‘ருத்ர தாண்டவம்’ படத்தின் அடுத்த அப்டேட் - எதிர்பார்ப்பில் ரசிகர்கள்

 மோகன் ஜி இயக்கத்தில் உருவாகியுள்ள ருத்ர தாண்டவம் படத்தின் முதல் பாடல் ரிலீஸ் தேதி அறிவிக்கப்பட்டுள்ளது.

கடந்த 2020 ஆம் ஆண்டு வெளியாகி பெரும் வெற்றி பெற்ற திரௌபதி திரைப்படத்தை தொடந்து ‘ருத்ர தாண்டவம்’ என்ற படத்தை மோகன் ஜி இயக்கியுள்ளார். ரிச்சர்ட் ரிஷி கதாநாயகனாகவும், தர்ஷா குப்தா கதாநாயகியாகவும், இயக்குனர் கௌதம் மேனன் வில்லனாகவும் நடித்துள்ளனர்.

இந்த படத்தின் படப்பிடிப்புகள் நிறைவடைந்து பின்னணி பணிகள் விறுவிறுப்பாக நடைபெற்று வருகிறது. சமீபத்தில் இதன் ட்ரெய்லர் வெளியாகி பெரும் சர்ச்சைகளை கிளப்பியது. இந்நிலையில் ‘அம்மாடி’ என்ற படத்தின் முதல் பாடல் விநாயகர் சதுர்த்தி தினத்தன்று வெளியாகும் என அறிவிக்கப்பட்டுள்ளது.

ஜூபின் இசையமைத்துள்ள இப்பாடலை இசையமைப்பாளரும், நடிகருமான ஜி.வி.பிரகாஷ்குமார் பாடியுள்ளார்.