லியோ ட்ரெய்லர்: பார்த்தே ஆகனும்; ரோகினி தியேட்டரை பந்தாடிய தளபதி ரசிகர்கள்!
Sumathi
in பிரபலங்கள்
‘லியோ’ படத்தின் ட்ரெய்லர் கொண்டாட்டத்தில் ஈடுபட்ட ரசிகர்களால் பரபரப்பு ஏற்பட்டது.
லியோ ட்ரெய்லர்
விஜய் நடித்துள்ள ‘லியோ’ படத்தின் ட்ரெய்லர் வெளியானது. ட்ரெய்லரைக் காண சென்னை கோயம்பேட்டில் உள்ள ரோகிணி திரையரங்கில் விஜய் ரசிகர்கள் குவிந்தனர்.
6.30 மணிக்கு வெளியாகும் என படக்குழு அறிவித்த பின்பு, கூட்டம் அதிகரித்தது. அப்போது கொண்டாட்டத்தில் ஈடுபட்ட விஜய் ரசிகர்கள், தியேட்டர் இருக்கைகளை உடைத்தும், கிழித்தும் கோஷங்களை எழுப்பினர். இது தொடர்பான புகைப்படங்கள் சமூக வலைதளங்களில் வைரலாகி வருகின்றன.
பரபரப்பு
மேலும், ரசிகர்கள் தடுப்புகளை உடைத்துக்கொண்டு திரையரங்குக்குள் நுழைந்தனர். இதனால் பெரும் பரபரப்பு ஏற்பட்டது. விஜய் நடிப்பில் லோகேஷ் கனகராஜ் இயக்கியுள்ள படம் ‘லியோ’.
இந்தப் படத்தில் த்ரிஷா, சஞ்சய் தத், அர்ஜூன், பிரியா ஆனந்த், மிஷ்கின், கவுதம் வாசுதேவ் மேனன், மன்சூர் அலி கான் ஆகியோர் நடித்துள்ளனர். வரும் அக்டோபர் 19-ம் தேதி திரையரங்குகளில் இப்படம் வெளியாக உள்ளது.
