ராபர்ட் மாஸ்டருடன் மீண்டும் இணைந்த வனிதா விஜயகுமார் - வைரலாகும் புகைப்படம்!
நடிகை வனிதா விஜயகுமார், ராபர்ட் மாஸ்டர் இணைந்துள்ள புகைப்படங்கள் வெளியாகியுள்ளது.
வனிதா விஜயகுமார்
தமிழ் சினிமாவில் நடிகர் விஜய்க்கு ஜோடியாக அறிமுகமானவர் வனிதா விஜயகுமார். பிக்பாஸ், குக்கு வித் கோமாளி போன்ற தொலைக்காட்சி நிகழ்ச்சிகளில் கலந்துகொண்டு ஏராளமான ரசிகர்களின் ஆதரவைத் திரட்டினார் வனிதா.
தனிப்பட்ட வாழ்க்கையில் நடந்த பிரச்சனைகளில் இருந்து மீண்டு தற்போது சொந்தமாக யூடியுப் சேனல் ஒன்றை தொடங்கி வீடியோக்கள் பகிர்ந்து வருகிறார். இவருக்கு ஏற்கனவே 3 முறை திருமணம் நடந்து விவகாரத்து நடந்துள்ளது. இதற்கிடையில், நடனக் கலைஞரான ராபர்ட் மாஸ்டர் உடன் வனிதா காதல் உறவில் இருப்பதாகத் தகவல்கள் வெளியாகி இருந்தது.
ராபர்ட் மாஸ்டர்
இவர்கள் இருவரும் சேர்ந்து எடுத்துக் கொண்ட புகைப்படங்கள் இணையதளத்தில் அடிக்கடி வளம் வந்தது. இந்த நிலையில், இருவரும் காதல் உறவில் இருந்து வெளிவந்து பல கருத்து வேறுபாடுகளுக்குப் பின் நல்ல நண்பர்களாக பழகி வந்தார்கள். முன்னதாக ராபர்ட் மாஸ்டர் நடித்த எம்.ஜி.ஆர், சிவாஜி, ரஜினி, கமல் என்கிற படத்தில் வனிதா நடித்திருந்தார்.
இதை தொடர்ந்து தற்போது இருவரும் இணைந்து மற்றொரு படத்தில் நடிக்க உள்ளார்கள். “மிஸ்டர் & மிசஸ்” என்று டைட்டில் வைக்கப்பட்டுள்ள இந்தப் படத்தில் இருவரும் ஹீரோ ஹீரோயினாக நடிக்க இருக்கிறார்கள். இவர்களுடன் பிரேம்ஜியும் முக்கிய கதாபாத்திரத்தில் நடிக்கிறார்.
இந்த சூழலில் படத்தின் பூஜை புகைப்படங்கள் இணையத்தில் வைரலாகி வருகிறது. அதில் ஜோவிகா,ராபர்ட் மாஸ்டர், வனிதா என மூவரும் உள்ளனர். இவர்கள் இருவரும் மீண்டும் இணைந்து நடிக்கும் இப்படத்தில் ஆன்ஸ்கிரீன் கெமிஸ்ட்ரியை ரசிகர்கள் மிகவும் ஆர்வமாக எதிர்பார்த்து காத்திருக்கிறார்கள்.
