இரட்டை வேடம் போடும் த்ரிஷா; அந்த நடிகர் கொடுத்த பரிசு - உறுதியான ஜோடி!

நடிகை த்ரிஷாவுக்கு வெப்பத்தை கட்டுப்படுத்தும் ஸ்மார்ட் மக் ஒன்றை சிரஞ்சீவி பரிசளித்துள்ளார்.

சிரஞ்சீவி - த்ரிஷா

வசிஷ்ட மல்லிடி இயக்கத்தில் மெகா ஸ்டார் சிரஞ்சீவி நடிக்கும் விஸ்வாம்பரா படத்தில் நடிகை த்ரிஷா ஒப்பந்தமாகியுள்ளார். இதன் மூலம் சுமார் 18 வருடங்களுக்குப் பிறகு சிரஞ்சீவி - த்ரிஷா ஜோடி ஒன்று சேர்ந்துள்ளது.

கடந்த 9 ம் தேதி படப்பிடிப்பில் கலந்து கொண்ட த்ரிஷாவுக்கு வெப்பத்தை கட்டுப்படுத்தும் ஸ்மார்ட் மக் ஒன்றை சிரஞ்சீவி பரிசளித்துள்ளார். இந்த மக்கின் புகைப்படத்தை தனது இன்ஸ்டாகிராமில் பகிர்ந்த த்ரிஷா, சிரஞ்சீவி அளித்த பரிசை விரும்புவதாகவும், நன்றியும் கூறியுள்ளார்.

இரட்டை வேடங்கள்

விஸ்வாம்பரா படத்தில் த்ரிஷாவுக்கு இரட்டை வேடங்கள் என்று கூறப்படுகிறது. ஆனால், இதனை படக்குழு இதுவரை உறுதி செய்யவில்லை. யுவி கிரியேஷன்ஸ் தயாரிக்கும் இந்தப் படத்துக்கு ஆஸ்கர் வென்ற கீரவாணி இசையமைக்கிறார்.

மேலும், படத்தில் சிரஞ்சீவி, த்ரிஷாவுடன் சுரபி, இஷா சாவ்லா உள்பட பலர் நடிக்கின்றனர். இந்த படம் 2025 ஜனவரி 10-ம் தேதி சங்கராந்தியை முன்னிட்டு திரைக்கு வரும் என படக்குழு அறிவித்துள்ளது.