தள்ளிப்போன 6 முதல் 12-ஆம் வகுப்பு அரையாண்டு தேர்வு..!! வெளியான புதிய அட்டவணை..!

தமிழகத்தில் அரையாண்டு தேர்வுகள் தள்ளிவைக்கப்பட்டுள்ள நிலையில், அதற்கான புதிய அட்டவணை தற்போது வெளியிடப்பட்டுள்ளது.

அரையாண்டு தேர்வு

மிக்ஜாங் புயல் பாதிப்பின் காரணமாக சென்னை, திருவள்ளூர், காஞ்சிபுரம், செங்கல்பட்டு மாவட்டங்கள் பெரும் பாதிப்புகளை சந்தித்துள்ள நிலையில், மீட்புப்பணிகள் நடைபெற்று வருகின்றது.

நாளை பள்ளிகள் திறக்கப்படும் நிலையில், முன்னர் அறிவிக்கப்பட்ட அரையாண்டு தேர்வுகளின் தேதி ஒத்திவைக்கப்பட்டு வரும் 13-ஆம் தேதி தமிழகம் முழுவதும் ஒத்திவைக்கப்பட்டது. பாதிக்கப்பட்ட மாணவர்களின் நிலையை கருத்தில் கொண்டு இந்த முடிவை எடுத்துள்ளதாக அறிவிக்கப்பட்டது. புதிய தேர்வு அட்டவணை தற்போது மாற்றியமைக்கப்பட்ட தேர்வுகளின் தேதி வெளியிடப்பட்டுள்ளது.

அதன்படி 6 முதல் 10-ஆம் வகுப்புகளுக்கான தேர்வு வரும் 13-ஆம் தேதி துவங்கி 22-ஆம் தேதி வரை நடைபெறும் என்று அறிவிக்கப்பட்டுள்ளது. 11 மட்டும் 12-ஆம் வகுப்பிற்கு தேர்வுகள் 13-ஆம் தேதி முதல் 22-ஆம் தேதி வரையிலும் நடைபெறும் என்று அறிவிப்பு வெளியாகியுள்ளது.

இதில் 11-ஆம் வகுப்பிற்கு காலை 9:30 மணிக்கு தேர்வுகள் துவங்கி 12:45 மணி வரையிலும், 12 ஆம் வகுப்பிற்கு மதியம் 01:15 மணிக்கு துவங்கி 04:30 மணி வரையில் நடைபெறும் என்றும் தெரிவிக்கப்பட்டுள்ளது.