சிறுவனின் குடலில் இருந்து 1 கிலோ புழுக்கள் அகற்றம் - அதிர்ந்து போன மருத்துவர்கள்

காஷ்மீரில் 6 வயது சிறுவனின் சிறுகுடலில் இருந்து 1 கிலோ அஸ்காரிஸ் புழுக்கள் அகற்றப்பட்டுள்ளது.

சிறுவனின் குடலில் புழுக்கள் 

ஜம்மு காஷ்மீர் மாநிலம்  பூஞ்ச் மாவட்டத்தில் உள்ள மருத்துவமனையில் 6 வயது சிறுவன் வயிற்று வலி காரணமாக அனுமதிக்கப்பட்டான்.

இதையடுத்து மருத்துவர்கள் சிறுவனை பரிசோதித்தனர் பின்னர் மருத்துவர்கள் சிறுவனுக்கு எக்ஸ்ரே எடுத்துள்ளனர். அப்போது சிறுவனின் சிறுகுடல் அடைக்கப்பட்டிருப்பதை கண்ட மருத்துவர்கள் சிறுவனுக்கு அறுவை சிகிச்சை செய்ய முடிவு செய்தனர்.

பின்னர் கடந்த சனிக்கிழமை மருத்துவர்கள் நடத்திய அறுவை சிகிச்சையில் சிறுகுடலில் அஸ்காரிஸ் புழுக்கள் இருந்துள்ளது. இதையடுத்து சிறுகுடலில் இருந்த புழுக்களை மருத்துவர்கள் அகற்றினர்.

அப்போது புழுக்கள் எடுக்க வந்து கொண்டே இருந்ததை கண்டு மருத்துவர்கள் அதிர்ச்சி அடைந்தனர். சிறுவனின் சிறுகுடலில் இருந்து சுமார் 1 கிலோ அளவிலான அஸ்காரிஸ் புழுக்கள் அகற்றப்பட்டது. தற்போது சிறுவன் மருத்துவர்களின் கண்காணிப்பில் வைக்கப்பட்டுள்ளான்.

புழுக்கள் இருந்தால் ஏற்படும் அறிகுறி 

சிறுவன் உடல் நிலை நன்றாக உள்ளதாக மருத்துவர்கள் தெரிவித்துள்ளனர். அறுவை சிகிச்சை குறித்து கருத்து தெரிவித்த டாக்டர் மானவ் தத்தா,  இதுபோன்ற அறுவை சிகிச்சைகள் அரிதானவை அல்ல, ஆனால் தங்கள் மருத்துவமனையில் உள்ள நோயாளியின் குடலில் இருந்து இவ்வளவு பெரிய அளவிலான அஸ்காரிஸ் புழுக்கள் கண்டுபிடிக்கப்பட்டு அகற்றப்படுவது இதுவே முதல் முறை என்றார்.

மேலும் வயிற்றில் அஸ்காரிஸ் புழுக்கள் இருந்தால் வயிற்று வலி, வாந்தி, குமட்டல், வயிற்றுபோக்கு, இருமல் புழுக்கள் இடம்பெயர்வதால் ஏற்படும் அறிகுறிகள் என்று அவர் தெரிவித்துள்ளார்.

குடலில் அதிக எண்ணிக்கையிலான புழுக்கள் இருந்தால், உங்களுக்கு வயிற்று வலி, சோர்வு, வாந்தி மற்றும் எடை இழப்பு அல்லது ஊட்டச்சத்து குறைபாடு இருக்கலாம் என மருத்துவர் மானவ் தத்தா தெரிவித்தார்.      

6 வயது சிறுவனின் உடலில் இருந்த தேமல்! பின்னர் தெரியவந்த அதிர்ச்சிகர உண்மை