கத்துறதால மட்டும் RCB-க்கு கப்பு கிடைக்காது; இதை பண்ணனும் - விளாசிய முன்னாள் CSK வீரர்!
Jiyath
in கிரிக்கெட்
ஆர்சிபி அணியின் தோல்வி குறித்து சென்னை சூப்பர் கிங்ஸ் அணியின் முன்னாள் வீரர் அம்பத்தி ராயுடு பேசியுள்ளார்.
பெங்களூரு தோல்வி
ஐபிஎல் கிரிக்கெட் தொடரின் எலிமினேட்டர் சுற்று நேற்று நடைபெற்றது. இதில் ராஜஸ்தான் ராயல்ஸ் - ராயல் சேலஞ்சர்ஸ் பெங்களூரு அணிகள் மோதின. டாஸ் வென்ற ராஜஸ்தான் அணி முதலில் பந்து வீச்சை தேர்வு செய்தது.
அதன்படி முதலில் பேட்டிங் செய்த பெங்களூரு அணி 20 ஓவர் முடிவில் 8 விக்கெட்டுகளை இழந்து 172 ரன்கள் எடுத்தது. இதனையடுத்து 173 என்ற வெற்றி இலக்குடன் களமிறங்கிய ராஜஸ்தான் அணி 19 ஓவர்களில் 6 விக்கெட்டுக்கு 174 ரன்கள் குவித்து 4 விக்கெட் வித்தியாசத்தில் வெற்றி பெற்று 2-வது தகுதி சுற்றுக்கு முன்னேறியது. தோல்வியின் மூலம் பெங்களூரு அணி ஐபிஎல் தொடரிலிருந்து வெளியேறியது.
அம்பத்தி ராயுடு
முன்னதாக சென்னை சூப்பர் கிங்ஸ் அணியை வீழ்த்தி பெங்களூரு அணி பிளே-ஆஃப் சுற்றுக்கு முன்னேறியது என்பது குறிப்பிடத்தக்கது. இந்நிலையில் ஆர்சிபி அணியின் தோல்வி குறித்து பேசிய முன்னாள் சிஎஸ்கே வீரர் அம்பத்தி ராயுடு "ஐபிஎல் கோப்பைகளை வெறும் கொண்டாட்டங்களாலும்,
ஆக்ரோஷத்தினாலும் வென்றுவிட முடியாது. கோப்பையை வெல்ல முதலில் பிளே-ஆஃப் மற்றும் முக்கிய போட்டிகளில் சிறப்பான ஆட்டத்தை வெளிப்படுத்த வேண்டும். சிஎஸ்கேவை வீழ்த்தினால் மட்டும் ஐபிஎல் கோப்பையை வென்றுவிட முடியாது" என்று தெரிவித்துள்ளார்.
