வளமான கலாச்சார பாரம்பரியத்தை கொண்ட இராணிப்பேட்டை - அதன் வளர்ச்சியும்,வரலாறும் தெரியுமா?

வரலாறு

இராணிப்பேட்டை மாவட்டம், 2019 ஆம் ஆண்டு ஆகத்து மாதம் 15 ஆம் தேதி வேலூர் மாவட்டத்திலிருந்து பிரிக்கப்பட்டது.தமிழ்நாட்டின் 36 ஆவது மாவட்டமாக 28 நவம்பர் 2019 அன்று தமிழக முதல்வர் முறைப்படி இராணிப்பேட்டையில் துவக்கி வைத்தார். இந்த மாவட்டம் ஒரு வளமான வரலாறு மற்றும் கலாச்சார பாரம்பரியத்தை கொண்டுள்ளது.

சோழர்கள், பல்லவர்கள் மற்றும் விஜயநகரப் பேரரசு உட்பட பல்வேறு வம்சங்கள் மற்றும் சாம்ராஜ்யங்களால் ஆளப்பட்ட இப்பகுதியுடன், ராணிப்பேட்டை மாவட்டத்தின் வரலாற்றை பண்டைய காலத்தில் காணலாம். ராணுவ பேட்டையாக திகழ்ந்த ராணிப்பேட்டை நகரம் ஆங்கிலேயர் ஆட்சி காலத்தில், பெரிய இராணுவத்தளமாகவும் இருந்துள்ளது. அதற்கு அத்தாட்சியாக, இன்றும் ராணிப்பேட்டையில் பல கட்டிடங்கள், கல்லறைகள் உள்ளன.

ஆங்கிலேயர்களின் ராணுவத்தில் இடம் பெற்றிருந்த பெரிய குதிரைப்படை, ராணிப்பேட்டையில் நிலை நிறுத்தபட்டிருந்தது. அந்த இடத்தில் தான் இப்போது ராணிப்பேட்டை நீதிமன்றங்கள் இயங்கி வருகின்றன. 2011-ஆம் ஆண்டு மக்கள் தொகை கணக்கெடுப்பின்படி, 30 நகராட்சி மன்ற உறுப்பினர்களையும், 11,764 குடும்பங்களையும் கொண்ட இந்நகரத்தின் மக்கள்தொகை 50,764 ஆகும். இந்நகரத்தின் எழுத்தறிவு 90.09% மற்றும் பாலின விகிதம் 1000 ஆண்களுக்கு பெண்கள் 996 வீதம் உள்ளனர்.

பெயர் காரணம்

கடந்த 30-10-1714ம் ஆண்டு செஞ்சியில் நடந்த போரில் ராஜாதேசிங் வீரமரணமடைந்தார். அப்போது இந்த துயரச்செய்தியை அறிந்த ராஜா தேசிங்கின் மனைவியான ராணிபாய் உடன்கட்டை ஏறி தன் உயிரை நீத்தார்.

இதனால் இவர்கள் இருவரின் ஒற்றுமையை மெச்சிய ஆற்காடு நவாப் சதாதுல்லாகான், ராஜா தேசிங்கு மற்றும் ராஜா தேசிங்கின் மனைவியான ராணிபாய் ஆகிய இருவருக்கும் ராணிப்பேட்டை பாலாற்றங்கரையோரத்தில் பளிங்கு கற்களால் ஆன இரு நினைவுச்சின்னங்களை எழுப்பினார். ராஜா தேசிங்கின் மனைவி ராணிபாய் நினைவாகத்தான் கடந்த 300 ஆண்டுகளாக ராணிப்பேட்டை என பெயர் வந்ததற்கான காரணமாக இருக்கிறது.

தொழில்கள்

இராணிப்பேட்டை தென்னிந்தியாவின் ஒரு தொழில்துறை மையமாகும். தோல் மற்றும் தோல் பொருட்கள் காலணிகள், ஆடைகள் போன்றவற்றை ஏற்றுமதி செய்யப்படுகிறது பல பெரிய மற்றும் நடுத்தர தோல் தொழில்கள் உள்ளன.

இராணிப்பேட்டையில் மற்ற சிறிய அளவிலான தொழில்கள் உள்ளன, அவை பெரும்பாலும் ரசாயன, தோல் மற்றும் கருவி தயாரிப்பில் ஈடுபட்டுள்ளன. இராணிப்பேட்டை தோல் பதனிடும் தொழிற்சாலைகள் அதிகம் கொண்டது.

கலாச்சாரம்

பல கோவில்கள், தேவாலயங்கள் மற்றும் மசூதிகளுடன், வளமான கலாச்சார பாரம்பரியத்தை கொண்டுள்ளது. பிரியாணி, பரோட்டா மற்றும் கபாப் போன்ற உணவுகளை உள்ளடக்கிய தனித்துவமான உணவு வகைகளுக்கு இந்த மாவட்டம் அறியப்படுகிறது.

இப்பகுதியில் பல கைவினைஞர்கள் மற்றும் நெசவாளர்கள் உள்ளனர். பாரம்பரிய நுட்பங்கள் மற்றும் வடிவமைப்புகளைப் பயன்படுத்தி தயாரிக்கப்படும் பட்டுப் புடவைகளுக்கு இந்த மாவட்டம் பெயர் பெற்றது. காலணிகள், பெல்ட்கள் மற்றும் பைகள் உள்ளிட்ட தோல் பொருட்களுக்கும் இந்த மாவட்டம் பெயர் பெற்றது.

சுற்றுலாத்தலங்கள்

இராணிப்பேட்டை மாவட்டம் டெல்லி கேட், ரத்தினகிரி முருகன் கோவில், மகேந்திரவாடி, காஞ்சனகிரி மலை போன்ற சுற்றுலாத் தளங்களைக் கொண்டுள்ளது.

திருவிழாக்கள் மற்றும் நிகழ்வுகள்

இராணிப்பேட்டை மாவட்டம் பொங்கல், தீபாவளி மற்றும் கிறிஸ்துமஸ் உட்பட ஆண்டு முழுவதும் பல பண்டிகைகள் மற்றும் நிகழ்வுகளைக் கொண்டாடுகிறது. இம்மாவட்டத்தில் ஏப்ரல் நடுப்பகுதியில் வரும் தமிழ்ப் புத்தாண்டும் கொண்டாடப்படுகிறது.

மாவட்டத்தில் வேலூர் கோடை விழா மற்றும் ராணிப்பேட்டை வர்த்தக கண்காட்சி உட்பட பல கலாச்சார நிகழ்வுகள் மற்றும் கண்காட்சிகள் நடத்தப்படுகின்றன.