ரஜினி ஒரு சுண்டைக்காய்... - கர்நாடகாவில் பல சொத்தை சேர்த்து வச்சுருக்காரு... - மன்சூர் அலிகான் பகீர் பேச்சு...!

நடிகர் ரஜினிகாந்த் ஒரு சுண்டைக்காய் என்று நடிகர் மன்சூர் அலிகான் பேசிய பேட்டி தற்போது சமூகவலைத்தளங்களில் வெளியாகி ரசிகர்களிடையே பரபரப்பை ஏற்படுத்தியுள்ளது.

நடிகர் ரஜினிகாந்த்

தமிழ் சினிமாவில் நட்சத்திர நடிகராக வலம் வருபவர் நடிகர் ரஜினிகாந்த். இவரை ரசிகர்கள் அன்போடு ‘சூப்பர் ஸ்டார்’என்று அழைத்து வருகிறார்கள்.

நடுத்தர குடும்பத்தில் பிறந்த ரஜினிகாந்த் சினிமாவில் நுழைந்த ஆரம்ப காலத்தில் பல அவமானங்களையும், கஷ்டங்களையும் சுமந்து தான் வெற்றி சாதனையாளராக ரசிகர்கள் மனதில் நீங்கா பிடித்தார். ரஜினி என்றாலே குழந்தைகள் முதல் பெரியவர்கள் வரை அனைவருக்கும் பிடிக்கும். அந்த அளவிற்கு தன்னுடைய நடிப்பு திறமையால் மக்களை கவர்ந்திழுத்தவர்.

மன்சூர் அலிகான் பகீர் பேச்சு

இந்நிலையில், ரஜினிகாந்தை குறித்து, பிரபல நடிகர் மன்சூர் அலிகான் மனம் திறந்து அளித்த பேட்டி ஒன்று சமூக வலைதளங்களில் வைரலாகி வருகிறது.

அந்த பேட்டியில் அவர் பேசுகையில்,

ஒரு பத்திரிக்கை நிரூபர் ரஜினியின் புகைப்படத்தை காட்டி இவரை குறித்து என்ன நினைக்கிறீர்கள் என்று கேட்டார். அதற்கு அவர், ரஜினி ஒரு நல்ல நடிகர் அவ்ளோதான். ஆனால் ஏழைகளின் பக்கம் நிற்கவே மாட்டார்.

சில பேர் தன் குடும்ப நலனையே முதலில் பார்ப்பார்கள். அந்த மாதிரிதான் ரஜினியும். கர்நாடகாவில் பல சொத்துக்களை சேர்த்து வைத்துள்ளார். தமிழகத்தில் அவர் நினைத்தால் 10 ஆயிரம் குடும்பங்களுக்கு வேலை வாய்ப்பை கொடுக்கலாம். ரஜினியின் பின்னாடியிருந்து சில பேர் அவரை பயன்படுத்திக் கொள்கிறார்கள்.

படத்தில் பேசுகிற வசனத்திற்கு ஏற்ப சிங்கம் தான் சிங்கிளா வரும்னு சொன்னார். அப்புறம் ஏன் பாட்ஷாவில் அவ்ளோ கூட்டத்தை வைச்சுட்டு வந்தாரு.. பன்னிங்க தான் கூட்டமா வரும்னும் கூட சொன்னாரு.

சூட்டிங்கில் அவரின் ஆன்மீகத்தால் ஈர்க்கப்பட்டு அவரைத் தேடி சில பேர் வந்தவர்கள். இன்று எல்லோரும் அகோரிகளாக சுற்றிக் கொண்டு இருக்கிறார்கள்.

அவர் அரசியல் பிரவேசம் பற்றி நான் 27 வருடத்திற்கு முன்பே கூறிவிட்டேன். அரசியலில் ரஜினி ஒரு சுண்டைக்காய். இப்படி அந்த பேட்டியில் ரஜினியை பற்றி புட்டுபுட்டாக வைத்துவிட்டார் மன்சூர் அலிகான்.