விசாரணை முடிந்ததும் சோனியாவை மருத்துவமனையில் சந்தித்த ராகுல்

மருத்துவமனையில் அனுமதிக்கப்பட்டுள்ள காங்கிரஸ் தலைவர்சோனியா காந்தியினை ராகுல் காந்தியும் பிரியங்கா கந்தியும் சந்தித்தனர் காங்கிரஸ் தலைவர் சோனியா காந்தி கொரோனா தொற்று காரணமாக, சிகிச்சைக்காக மருத்துவமனையில் நேற்று அனுமதிக்கப்பட்டார்.

இந்நிலையில் சோனியா காந்தியை அவரது மகனான ராகுல் காந்தியும், அவரது மகளான ப்ரியங்கா காந்தியும் மருத்துவமனைக்கு நேரில் சென்று சந்தித்து நலம் விசாரித்தனர். அமலாக்கத்துறை சம்மன்: நேஷனல் ஹெரால்டு வழக்கில் சோனியா காந்தி மற்றும் ராகுல் காந்தி ஆகியோர் நேரில் ஆஜராகுமாறு அமலாக்கத்துறை சம்மன் அனுப்பியது.

சோனியா காந்தி கடந்த 5ஆம் தேதியும் ராகுல் காந்தி 8ஆம் தேதியுமாஜராகுமாறு சம்மன் அனுப்பப்பட்டது.

சோனியா காந்திக்கு கொரோனா பாதிப்பால் வரும் 23 ஆம் தேதி ஆஜராகுமாறு புதிய சம்மன் அனுப்பப்பட்டது. ராகுல் காந்தி வெளிநாட்டில் இருந்ததால் கூடுதல் அவகாசம் கேட்டார்.அதையடுத்து அவருக்கு இன்று ஆஜராகுமாறு சம்மன் அனுப்பப்பட்டது.