ரஜினியால் வந்த மாற்றம்...4 வருஷ சண்டை...சீமானுக்கு சமானதான புறா விட்ட லாரன்ஸ்

யோகி ரஜினிகாந்த் விவகாரத்தில் நாம் தமிழர் சீமான் ரஜினிக்கு ஆதரவாக கருத்து தெரிவித்துள்ள நிலையில், சீமானுடன் ஏற்பட்ட சண்டையை இத்துடன் முடித்து கொள்வதாக நடிகர் ராகவா லாரன்ஸ் தெரிவித்துள்ளார்.

ராகவா லாரன்ஸ் - சீமான் சண்டை  

நடிகர் ரஜினி நடிப்பில் வெளியான தர்பார் பட இசை வெளியிட்டு விழாவில் பேசிய நடிகர் ராகவா லாரன்ஸ், ரஜினியை அப்போது விமர்சித்து கொண்டிருந்த நாம் தமிழர் கட்சியினரை கடுமையாக சாடினார். அதற்கு, நாம் தமிழர் கட்சியினரும் கடுமையான விமர்சனத்தை முன்வைக்க இருதரப்பிற்கு இடையே கடுமையான வாக்குவாதம் ஏற்பட்டது.

இதன் காரணமாக ராகவா லாரன்ஸ் தொடர்ந்து நாம் தமிழர் கட்சியினர் குறித்தும், சீமான் குறித்தும் கடுமையான விமர்சனங்களை வைத்து வந்தார். இது முடிந்து 4 ஆண்டுகளான நிலையில், இரு தரப்பும் முரண்பாடான நிலையையே கடைபிடித்து வந்தனர்.   

யோகி- ரஜினி விவகாரம் சீமான் கருத்து

இந்நிலையில், கடந்த வாரம் முதல் ரஜினி யோகி ஆதித்யநாத் சந்திப்பு குறித்து பல்வேறு வகையிலான விமர்சங்கள் எழுந்து வருகின்றது. பலரும் ரஜினிக்கு எதிராக கருத்து தெரிவித்து வரும் நிலையில், இது குறித்து நாம தமிழர் கட்சி ஒருங்கிணைப்பாளர் சீமானிடமும் கேள்வி எழுப்பட்டது.

அதற்கு பதிலளித்த அவர், ரஜினிகாந்த் அமைதியை விரும்பி இமயமலை செல்கிறார் என்றும் யோகி ஆதித்யநாத் காலில் ரஜினிகாந்த் விழுந்தது அவரது சொந்த விருப்பம் என தெரிவித்தார். அவரை தொல்லை செய்யக் கூடாது என கூறிய சீமான், ரஜினிகாந்த் காலில் விழுந்துவிட்டதாலே வெங்காய விலை ஏறிவிட்டதா? என ஆதரவு தெரிவித்து பேசினார்.

ராகவா லாரன்ஸ் பதிவு

இந்நிலையில் இந்த வீடியோவை தன்னுடைய ட்விட்டர் பக்கத்தில் பதிவிட்டுள்ள ராகவா லாரன்ஸ், அதில், அண்ணன் சீமானுக்கு நன்றிகள் என பதிவிட்டு, ரஜினிக்கு எதிராக சீமான் பேசியதால் தான், தானும் தங்களுக்கு எதிராக பேசுவேன் என முந்தைய விவகாரத்தை குறிப்பிட்டார்.   

I just saw this interview of Annan Seeman. My heartfelt thanks to Annan seeman. When you have spoken against Thalaivar, I have also spoken against you but now when you are speaking with love. I will come and see you soon with the same love. Thanks once again Annan seeman ???? pic.twitter.com/aX6VT3QcH6

— Raghava Lawrence (@offl_Lawrence) August 28, 2023

தற்போது சீமான் ரஜினி குறித்து அன்பாக பேசி இருக்கிறீர்கள் என்பதை சுட்டிக்காட்டி, அதே அன்புடன் தானும் சீமானை நேரில் சந்திக்க வருகிறேன் என குறிப்பிட்டு, அண்ணன் சீமானுக்கு மீண்டும் நன்றி பதிவிட்டுள்ளார். அவரின் இந்த பதிவு தற்போது வைரலாகி வருகின்றது.