பிரபல நடிகை ராதா மகளுக்கு திருமணம்; சூழ்ந்த பிரபலங்கள் - வைரல் க்ளிக்ஸ்!
Sumathi
in பிரபலங்கள்
நடிகை ராதாவின் மூத்த மகளுக்கு கோலாகலமாக திருமணம் நடைபெற்றுள்ளது.
கார்த்திகா நாயர்
தமிழ் சினிமாவின் முன்னணி நடிகைகளில் ஒருவராக வலம் வந்தவர் நடிகை ராதா. 1980 காலகட்டத்தில் சிவாஜி கணேசன், ரஜினிகாந்த், கமல்ஹாசன், மம்முட்டி, மோகன்லால், சிரஞ்சீவி, வெங்கடேஷ் என தென்னிந்தியாவின் முக்கிய நடிகர்களுடன் நடித்துள்ளார்.
இவருடைய மூத்த மகள் கார்த்திகா தமிழ் சினிமாவில் ஜீவாவுக்கு ஜோடியாக, ’கோ’ படத்தில் அறிமுகமானார். தொடர்ந்து சில படங்களில் மட்டுமே நடித்த அவர், சினிமா விட்டு விலகினார்.
திருமணம்
இந்நிலையில், இவருக்கு ரோஹித் மேனன் என்பவருடன் எளிமையான முறையில் நிச்சயதார்த்தம் நடைபெற்றது. இதனை அதிகாரபூர்வமாக நடிகை கார்த்திகாவே அறிவித்தும் இருந்தார். தற்போது, திருவனந்தபுரத்தில் கடற்கரையோரம் இருக்கும் ஹோட்டல் ஒன்றில் கார்த்திகா, ரோஹித்தின் திருமணம் நடைபெற்றது.
இதில், ராதிகா சரத்குமார், மெகாஸ்டார் சிரஞ்சீவி, சுஹாசினி மணிரத்னம், ரேவதி, பாக்யராஜ், பூர்ணிமா பாக்யராஜ், மேனகா சுரேஷ் உள்ளிட்டோர் கலந்து கொண்டு வாழ்த்துகளை தெரிவித்தனர். அவரது திருமண புகைப்படங்கள் வைரலாகி வருகிறது.
