துணை நடிகை தற்கொலை; புஷ்பா பட நடிகர் அதிரடி கைது - அதிர்ச்சியில் திரையுலகம்!

இளம்பெண் ஒருவரை தற்கொலைக்கு தூண்டியதாக நடிகர் ஜெகதீஷ் பிரதாப் பண்டாரி கைது செய்யப்பட்டு நீதிமன்றக் காவலில் வைக்கப்பட்டுள்ளார்.

நடிகர் கைது 

மல்லேஷம் என்ற திரைப்படத்தின் மூலம் தெலுங்கு திரையுலகில் அறிமுகமானவர் நடிகர் ஜெகதீஷ் பிரதாப் பண்டாரி. தொடர்ந்து ஜார்ஜ் ரெட்டி, பலாசா 1978 ஆகிய படங்களில் நடித்தார்.

இதனையடுத்து நடிகர் அல்லு அர்ஜுன் நடிப்பில் வெளியான புஷ்பா திரைப்படத்தில், அவருக்கு நண்பராக ஜெகதீஷ் lநடித்தார். இந்த படம் அவருக்கு திருப்பு முனையாக அமைந்தது. புஷ்பா படத்தில் அவரின் கதாபாத்திரம் ரசிகர்களை வெகுவாக கவர்ந்தது.

இந்த படத்திற்கு பிறகும் பல பட வாய்ப்புகளும் அவருக்கு கிடைத்தது. இந்நிலையில் இளம்பெண் ஒருவரை தற்கொலைக்கு தூண்டியதாக நடிகர் ஜெகதீஷ் பிரதாப் பண்டாரி கைது செய்யப்பட்டு நீதிமன்றக் காவலில் வைக்கப்பட்டுள்ளார்.

தற்கொலை 

துணை நடிகையான அந்த பெண்ணுடன், ஜெகதீஷ் லிவ்-இன் உறவில் இருந்ததாக கூறப்படுகிறது. ஆனால் இருவருக்கும் இடையில் அடிக்கடி வாக்குவாதம் ஏற்பட்ட நிலையில் பிரிந்துள்ளனர்.

இதனையடுத்து அந்த துணை நடிகைக்கு வேறொரு நபருடன் பழக்கம் ஏற்பட்டு, இருவரும் தனிமையில் இருந்துள்ளனர். இதனை ஜெகதீஷ் மறைமுகமாக தனது செல்போனில் புகைப்படம் எடுத்து வைத்துள்ளார். பின்னர் அதனை சமூக வலைத்தளங்களில் வெளியிட்டு விடுவதாக அந்த பெண்ணை, ஜெகதீஷ் மிரட்டியதாக கூறப்படுகிறது.

இதனால் மனமுடைந்த அந்த பெண் கடந்த 29ம் தேதி தனது வீட்டில் தற்கொலை செய்துள்ளார். அந்த பெண்ணின் தந்தை அளித்த புகாரின் பேரில் வழக்கு பதிவு செய்த பஞ்சகுட்டா போலீசார் விசாரணை மேற்கொண்டு இந்த கைது நடவடிக்கை எடுத்துள்ளனர்.