‘’ போராடினால் நாம் வெல்லலாம் '’ - உண்மையை ஒப்புக் கொண்ட புஜாரா

கடந்த சில நாட்களாக சர்ச்சை, மோதல், விரிசல், பேட்டி என நடைபெற்ற சம்பவங்கள் இந்திய ரசிகர்களுக்கு மன உளைச்சலை தந்தது. ஆனால், அதற்கு ஒரு முற்றுப் புள்ளி வைக்கிறது இந்த இந்தியா, தென்னாப்பிரிக்கா தொடர்.

இந்த நிலையில் , செய்தியாளர்களை சந்தித்த புஜாரா, தென்னாப்பிரிக்க தொடரை இந்திய அணி நிச்சயம் வெல்லும் என்று நம்பிக்கை தெரிவித்தார்.

கடந்த 2 ஆண்டுகளாக இங்கிலாந்து, ஆஸ்திரேலியா தொடரில் இந்திய அணி வீரர்கள் சிறப்பாக பந்துவீசியதாக குறிப்பிட்ட புஜாரா, அதே போல் இம்முறையும் பந்துவீச்சாளர்கள் தங்களது அணிக்கு வெற்றியை தேடி தருவார்கள் என்று கூறினார்.

மேலும், தென்னாப்பிரிக்க அணி கடந்த 6 மாதத்திற்கு மேல் டெஸ்ட் போட்டிகளில் விளையாடவில்லை ஆனால், நாங்கள் தற்போது தான் 2 டெஸ்ட் போட்டிகளில் நியூசிலாந்துடன் விளையாடினோம்.

இதனால் மனதளவிலும், உடல் அளவிலும் டெஸ்ட் போட்டியில் விளையாட தயாராக உள்ளதாக புஜாரா தெரிவித்தார். தென்னாப்பிரிக்க தொடரை முதல் முறையாக வெல்ல இது நல்ல வாய்ப்பு என்றும் புஜாரா குறிப்பிட்டார்