விஜய் டிவிக்கு டாட்டா காட்டிய குக் வித் கோமாளி புகழ்! ஏன் தெரியுமா?

குக் வித் கோமாளி நிகழ்ச்சி மூலம் பிரபலமான புகழை தேடி பட வாய்ப்புகள் குவிந்து வருவதால் சில காலம் விஜய் டிவி நிகழ்ச்சிகளில் பங்கேற்காமல் இருக்க புகழ் முடிவு செய்துள்ளதாக தகவல் வெளியாகியுள்ளது.

குக் வித் கோமாளி நிகழ்ச்சிக்கு ஏகப்பட்ட ரசிகர்கள் இருக்கிறார்கள். குக் வித் கோமாளி நிகழ்ச்சியில் கலந்து கொண்ட புகழ் பட்டிதொட்டி எல்லாம் பிரபலமாகிவிட்டார்.

அவர் மட்டும் அல்ல அந்த நிகழ்ச்சியில் பங்கேற்ற அஸ்வின், சிவாங்கியும் தற்போது ஏகத்திற்கும் பிரபலம். குக் வித் கோமாளி கொடுத்த பெயரை அடுத்து அஸ்வின் கோலிவுட்டில் ஹீரோவாகிவிட்டார்.

புகழ், சிவாங்கியும் தொடர்ந்து படங்களில் ஒப்பந்தமாகி வருகிறார்கள். புகழுக்கு அடுத்தடுத்து பட வாய்ப்புகள் வந்து கொண்டிருக்கிறது. காசே தான் கடவுளடா ரீமேக்கில் ஹேக்கராக நடிக்கிறார் புகழ்.

கண்ணன் இயக்கும் அந்த படத்தில் அகில உலக சூப்பர் ஸ்டார் சிவா தான் ஹீரோ. குக் வித் கோமாளியை அடுத்து காமெடி ராஜா கலக்கல் ராணி நிகழ்ச்சியில் கலந்து கொண்டு வந்தார் புகழ்.

இந்நிலையில் அந்த நிகழ்ச்சியில் இருந்து விலகிவிட்டார். பட வாய்ப்புகள் வந்து குவிவதால் சில காலம் விஜய் டிவி நிகழ்ச்சிகளில் இருந்து தள்ளியிருக்க முடிவு செய்திருக்கிறாராம். தான் விஜய் டிவி நிகழ்ச்சியில் இருந்து விலகியது குறித்து புகழ் பேசிய வீடியோ ஒன்று வெளியாகியுள்ளது.

இந்த முடிவு நிரந்தரமானது அல்ல என்று புகழ் தெரிவித்துள்ளார். படங்களில் நடித்துக் கொண்டே விஜய் டிவி நிகழ்ச்சிகளிலும் கவனம் செலுத்துவது கடினமாக இருக்கிறதாம்.

டேட்ஸ் சொதப்பி பிரச்சனை எதுவும் ஏற்பட்டுவிடக் கூடாது என்பதற்காக தற்போதைக்கு கோலிவுட்டில் மட்டும் கவனம் செலுத்த முடிவு செய்திருக்கிறார் புகழ்.