பிரியங்கா மோகன் லிஸ்டில் இத்தனை ஹீரோஸா..? ஆனா அவர தான் ரொம்ப பிடிக்குமாம்!

தான் நடிக்க விரும்பும் நடிகர்கள் குறித்து நடிகை பிரியங்கா மோகன் பேசியுள்ளார்.

பிரியங்கா மோகன்

டாக்டர் திரைப்படத்தின் மூலம் தமிழ் திரையுலகில் அறிமுகமானவர் நடிகை பிரியங்கா மோகன். இந்த படத்தின் மூலம் தமிழ் ரசிகர்களின் மனதில் இடம் பிடித்தார்.

தொடர்ந்து எதற்கும் துணிந்தவன், டான் ஆகிய திரைப்படங்களில் நடித்தார். தற்போது அருண் மாதேஸ்வரன் இயக்கத்தில் நடிகர் தனுஷ் நடித்த கேப்டன் மில்லர் படத்தில் நடித்திருந்தார்.

இந்த படம் பொங்கலை முன்னிட்டு வெளியாகி நல்ல வரவேற்பை பெற்று வருகிறது. இந்நிலையில் கேப்டன் மில்லர் படத்தின் ப்ரோமோஷனில், எந்த ஹீரோக்களுடன் நடிக்க ஆசை என பிரியங்கா மோகனிடம் கேட்கப்பட்டது.

பேட்டி 

அதற்கு பதிலளித்த அவர் "தமிழில் சூப்பர் ஸ்டார் ரஜினி, தளபதி விஜய், கார்த்தி, தெலுங்கில் மகேஷ் பாபு, பிரபாஸ், ராம் சரண் ஆகியோருடன் ஜோடியாக நடிக்க வேண்டும் என விருப்பம் தெரிவித்துள்ளார்.

அதேபோல், கன்னடத்தில் கேஜிஎஃப் ஹீரோ யாஷ், ரக்‌ஷித் ஷெட்டி எனக் கூறியுள்ளார். இவர்களில் ரக்‌ஷித் ஷெட்டியை தான் ரொம்ப பிடிக்கும் என்றுள்ள பிரியங்கா மோகன், மலையாளத்தில் ஃபஹத் பாசில், துல்கர் சல்மான் ஆகியோருடன் ஜோடி சேர வேண்டும்" என்று தெரிவித்துள்ளார்.