ஜவான் படம் - நம்பவைத்து ஏமாற்றிய அட்லீ...செம கடுப்பில் இருக்கும் பிரியாமணி

ஜவான் படத்தில் தன்னை நம்பவைத்து இயக்குனர் அட்லீ ஏமாற்றியதாக நடிகை பிரியாமணி சமீபத்திய பேட்டி ஒன்றில் தெரிவித்துள்ளார்.

ஜவான்

ஷாருக் கான், நயன்தாரா, விஜய் சேதுபதி, பிரியாமணி, யோகி பாபு நடிப்பில் அனிருத் இசையில் அட்லீ இயக்கத்தில் வெளியாகியுள்ள படம் "ஜவான்". நிறைய தமிழ் படங்களின் சாயல் இருக்கிறது என விமர்சனங்கள் தமிழகத்தில் எழுந்தாலும், ஹிந்தியில் படம் மாபெரும் வெற்றியை பதிவு செய்துள்ளது.

வெளியான 4 நாட்களில் 500 கோடி ரூபாயை படம் வசூலித்த நிலையில், நிச்சயமாக 1000 கோடி வசூலை படம் எட்டும் என சினிமா வல்லுநர்கள் தெரிவித்து வருகின்றனர். படத்தின் வெற்றியை அடுத்து பிரியாமணி தனக்கு இயக்குனர் அட்லீ மீது ஏற்பட்ட ஏமாற்றத்தை பற்றி பேட்டி ஒன்றில் தெரிவித்துள்ளார்.

ஏமாற்றப்பட்ட பிரியாமணி

அந்த பேட்டியில், படப்பிடிப்பின் போது முதன் முதலில் படத்தில் கேமியோவாக தமிழில் இருந்து விஜய்யும், தெலுங்கில் இருந்து அல்லு அர்ஜுனும் நடிக்கவுள்ளார்கள் என செய்திகள் வெளிவந்த நிலையில், அது குறித்து தான் அட்லீயிடம் கேட்ட போது, அட்லீ சிரித்து கொண்டே நடிக்க வெச்சிடலாம் என கூறினார் என பகிர்ந்தார்.

ஆனால் கடைசி வரை இதில் எந்தவித முன்னேற்றமாக ஏற்படாமல் படத்தில் இருவருமே நடிக்கவில்லை என வருத்தத்துடன் தெரிவித்த பிரியாமணி, இதன் காரணமாக தனக்கு அட்லீ ஏமாற்றிவிட்டதாக பிரியாமணி தெரிவித்துள்ளார்.