சுற்றுச்சூழலை பாதுகாக்க 'பிரதமரின் இ-பஸ்' திட்டம் - தமிழகத்தில் எந்தெந்த நகரங்களில்?
பிரதமரின் இ-பஸ் திட்டத்திற்கு தமிழகத்தில் இருந்து 11 நகரங்கள் தேர்வு செய்யப்பட்டுள்ளன.
இ-பஸ் திட்டம்
பெட்ரோலிய பொருட்கள் பயன்பாடு மற்றும் மாசு குறைப்புக்கு உதவியாக இந்தியாவில் தற்போது இருசக்கர வாகனங்கள் முதல் பேருந்துகள் வரை மின்சார வாகனங்கள் வந்துள்ளன.

அந்தவகையில் 'பிரதமரின் இ-பஸ்" என்ற பெயரில் புதிய திட்டம் உருவாக்கப்பட்டுள்ளது. சுற்றுச்சூழலை பாதுகாக்கும் வகையில் மத்திய அரசு இந்த முடிவை மேற்கொண்டது.
இதற்காக நாடு முழுதும், 169 நகரங்களில், 10,000 இ -பஸ்கள் இயக்க, 20,000 கோடி ரூபாயை வழங்க மத்திய அரசு முடிவு செய்துள்ளது.மேலும் இ-பஸ்களை இயக்குவதற்கான நகரங்களை தேர்வு செய்யும் பணிகளும் முடிவடைந்துள்ளது.
எந்தெந்த நகரங்கள்?
இது தொடர்பாக மத்திய வீட்டுவசதி, நகர்ப்புற விவகாரங்கள் துறை, தமிழகம் உள்ளிட்ட மாநிலங்களுக்கு அனுப்பியுள்ள அறிக்கையில் "பிரதமரின் இ-பஸ் திட்டத்தில், தமிழ்நாட்டில் 3 லட்சத்துக்கும் மேலான மக்கள் வசிக்கும் நகரங்கள் தேர்வு செய்யப்பட்டுள்ளன.

முதற்கட்டமாக கோவை, மதுரை, திருச்சி, ஈரோடு, சேலம், திருப்பூர், திருநெல்வேலி, தூத்துக்குடி, வேலுார், ஆவடி, அம்பத்தூர் ஆகிய நகரங்கள் தேர்வு செய்யப்பட்டுள்ளன.
இந்நகரங்களில் இ-பஸ் திட்டத்தை செயல்படுத்துவதற்கான வழிமுறைகளை தமிழக அரசு அனுப்ப வேண்டும். இத்திட்டத்தில் 10 ஆண்டுகளுக்கான செலவுக்கான நிதியையும், மத்திய அரசே வழங்க வாய்ப்புள்ளது' என்று அதில் குறிப்பிடப்பட்டு உள்ளது.
விடுதலைப் புலிகள் அமைப்பின் தலைவரின் இல்லக் காணி மதிலில் காட்சிபடுத்தப்பட்ட பதாகை கிழித்தெறிப்பு IBC Tamil
பதவி உயர்வின் போது ஆசிரியர்களுக்கு ஏற்படும் சம்பள பிரச்சனை: எடுக்கப்பட்டுள்ள அதிரடி நடவடிக்கை IBC Tamil
உக்ரைன் நடத்திய வரலாறு காணாத தாக்குதல் - கடலுக்குள் சரிந்த கிரிமியா பாலம்: பதிலடி கொடுத்த ரஷ்யா IBC Tamil