கோவில் கருவறையில் அமர்ந்து அருந்திய பூசாரி - வீடியோவில் பதிவான அதிர்ச்சி காட்சிகள்!
கோவில் கருவறையில் அமர்ந்து கொண்டு பூசாரி ஒருவர் மது அருந்தும் வீடியோ வெளியாகி அதிர்ச்சியை ஏற்படுத்தி உள்ளது.
ஆந்திரா
ஆந்திரா மாநிலம் பல்நாடு மாவட்டத்தில் 700 ஆண்டுகள் பழமையான சிவன் கோவில் உள்ளது. இந்த கோவிலுக்கு ஏராளமான பக்தர்கள் வருகை தருகின்றனர். இந்த கோவிலில் பிரசாத் என்பவர் பூசாரியாக உள்ளார்.
இந்த நிலையில் சிவன் கோவில் கருவறையில் அமர்ந்து கொண்டு பூசாரி பிரசாத் மது அருந்தும் வீடியோ சமுக வளைத்ததில் வெளியாகி அதிர்ச்சியை ஏற்படுத்தியது. அந்த வீடியோவில் பூசாரி பிரசாத் கருவறையில் அமர்ந்து கொண்டுள்ளார்.
வைரல் வீடியோ
அப்போது , குளிர்பான பாட்டிலில் மதுபானத்தைக் கலந்து குடித்துக் கொண்டு செல்போனில் உரையாடுவது போன்று அந்த வீடியோவில் பதிவாகியிருந்தது. இதனைக் கோவிலிலிருந்த மர்ப நபர் ஒருவர் தனது போனில் வீடியோவாக எடுத்து சமுக வலைத்தளத்தில் பதிவேற்றம் செய்துள்ளார்.
இந்த வீடியோ வைரலானதை அடுத்து கண்டனங்கள் எழுந்தனர். மேலும் இந்த சம்பவம் தொடர்பாக வழக்குப் பதிவு செய்த காவல் துறையினர் விசாரணை மேற்கொண்டு வருகின்றனர்.கோவில் கருவறைக்குள் அமர்ந்து பூசாரி ஒருவரே மது அருந்திய சம்பவம் ஒட்டுமொத்த சிவன் பக்தர்கள் மத்தியில் அதிர்ச்சியை ஏற்படுத்தியுள்ளது குறிப்பிடத்தக்கது.
