பிரபல பாடகியுடன் காதலில் விழுந்த பிரேம்ஜி அமரன்? - பொண்ணு இவர் தான்..!
Petchi Avudaiappan
in பிரபலங்கள்
நடிகர் பிரேம்ஜி அமரன் பிரபல பாடகியுடன் காதலில் விழுந்துள்ளதாக தகவல் வெளியாகியுள்ளதால் ரசிகர்கள் மகிழ்ச்சியடைந்துள்ளனர்.
இயக்குநர், இசையமைப்பாளர், பாடகர் என பல திறன்களை கொண்ட கங்கை அமரனின் இளைய மகனும், நடிகருமான பிரேம்ஜி அமரன் இயக்குநர் வெங்கட் பிரபுவின் சகோதரர் ஆவார். தமிழ் சினிமாவில் காமெடி நடிகராக, இசையமைப்பாளராக,பாடகராக வலம் வரும் பிரேம்ஜி வெங்கட் பிரபு இயக்கும் படத்தில் நிச்சயம் இடம் பெற்றுவிடுவார்.
கடைசியாக வெங்கட் பிரபு இயக்கத்தில் வெளியான மாநாடு படத்தில் முக்கிய கதாப்பாத்திரத்தில் நடித்த 42 வயதாகும் பிரேம்ஜிக்கு அவரது குடும்பத்தினர் கடந்த சில ஆண்டுகளாக பெண் தேடி வருகின்றனர். இதுவரை எந்தப் பெண்ணும் அமையவில்லை என்பதால் சமூக வலைத்தளங்களில் தன்னைத்தானே முரட்டு சிங்கிள் என கூறி கொண்டு அனைத்து ஹீரோயின்களையும் கிண்டல் செய்து பதிவுகளை வெளியிடுவார்.
இதனிடையே நடிகர் பிரேம்ஜி பிரபல பாடகி ஒருவருடன் ரிலேஷன்ஷிப்பில் இருப்பதாக தகவல் வெளியாகியுள்ளது. ஆதலால் காதல் செய்வீர், கில்லாடி ஆகிய படங்களில் பணிபுரிந்துள்ள பாடகி விநய்ட்டாவும், பிரேம்ஜியும் ஒருவரை ஒருவர் காதலிப்பதாக கூறப்படுகிறது. அதற்கு சாட்சியாக பிரேம்ஜியை கட்டியணைத்தப்படி இருக்கும் போட்டோவை விநாய்ட்டா தனது சமூக வலைதளப்பக்கத்தில் ஷேர் செய்துள்ளார்
அந்த பதிவில் "உன் பார்வையில், நீ என்னை பிடித்துக்கொண்டிருக்கிறாய் பேபி... நான் இருட்டில் உன்னுடன் என் கைகளுக்கு இடையில் நடனமாடுகிறேன்" என ரொமான்டிக்காக பதிவிட்டுள்ளார்.இதனை பார்த்த நெட்டிசன்கள் பிரேம்ஜி கடைசியில் கமிட் ஆகிட்டாரா என கேட்டு தங்கள் வாழ்த்துக்களை தெரிவித்து வருகின்றனர்.
