பேச்சு மூச்சு இன்றி தீவிர சிகிச்சை பிரிவில் பிரபல பாடகி - ரசிகர்கள் சோகம்

தலையில் பலத்த காயங்களுடன் லண்டனில் உள்ள தனியார் மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார் பிரபல பின்னணி பாடகி பாம்பே ஜெயஸ்ரீ.

லண்டன் சென்ற பாடகி பாம்பே ஜெயஸ்ரீ

தமிழ், கன்னடம், மலையாளம், இந்தி உள்ளிட்ட பல்வேறு மொழிகளில் பல பாடல்களை பாடியவர் பாம்பே ஜெயஸ்ரீ.

இவர் தமிழில் மின்னலே திரைப்படத்தில் இடம்பெற்ற வசீகரா என்ற பாடலை பாடியதன் மூலம் பிரபலமானார். இதை தொடர்ந்து பல ஹிட் பாடல்களை பாடியுள்ளார்.

இசை ஜாம்பவான்களான இளையராஜா, ஏ.ஆர்.ரகுமான்,ஹாரிஷ் ஜெயராஜ் உள்ளிட்டவர்களின் இசையில் பாம்பே ஜெயஸ்ரீ பாடல்களை பாடியுள்ளார்.

இவர் ஹாரிஷ் ஜெயராஜ் இசையில் தொடர்ந்து பாடி வந்தார். அதே போல் வெளிறாடுகளில் நடைபெறும் இசை நிகழ்ச்சிகளில் பங்கேற்று பாட்ல்களை பாடுவார். அந்த வகையில் லண்டனில் நடக்கும் ஒரு இசை நிகழ்ச்சிக்காக அங்கு சென்றிருந்தார்.

தலையில் பலத்த காயத்துடன் மருத்துவமனையில் அனுமதி 

அப்போது அவர் ஹோட்டல் அறையில் தங்கி இருந்த போது கீழே தவறி விழுந்துள்ளார்.இதில் அவரின் தலையில் பலத்த அடி விழுந்துள்ளது.

இதனால் சுயநினைவின்றி அறையில் கிடந்த அவர் லண்டனில் உள்ள தனியார் மருத்துவமனையில் தீவிர சிகிச்சை பிரிவில் அனுமதிக்கப்பட்ட அவருக்கு அறுசை சிகிச்சை மேற்கொள்ளப்பட்டு வருகிறது.

பேச்சு மூச்சு இன்றி தீவிர சிகிச்சை பிரிவில் பாம்பே ஜெயஸ்ரீ அனுமதிக்கப்பட்டுள்ள நிலையில் அவர் நலம்பெற வேண்டும் என்று பிரார்த்தனை செய்து வருகின்றனர் அவரது ரசிகர்கள்.