ஒலிம்பிக் தொடக்க விழா; அமைச்சரை முத்தமிட்ட பிரான்ஸ் அதிபர் - வைரலாகும் புகைப்படம்!

தொடக்க விழாவில் பிரான்ஸ் அதிபர் அமைச்சரை முத்தமிட்ட புகைப்படம் வைரலாகியுள்ளது.

முத்தமிட்ட அதிபர்

பிரான்ஸின் தலைநகரமான பாரீசில் ஒலிம்பிக் போட்டிகள் நடைபெற்று வருகிறது. இதில் மொத்தம் 160 -க்கும் மேற்பட்ட நாடுகளைச் சேர்ந்த பல ஆயிரக்கணக்கான வீரர், வீராங்கனைகள் கலந்து கொள்கின்றனர்.

4 ஆண்டுகளுக்கு ஒருமுறை நடைபெறும் இப்போட்டிகள், இந்த முறை பாரிஸ் நகரில் கடந்த 26ம் தேதி கோலாகலமாக தொடங்கியது. இப்போட்டிகள் ஆகஸ்ட் 11ம் தேதி வரை 17 நாட்கள் நடைபெறவுள்ளது.

மனைவி முன் வேறொரு பெண்ணுக்கு முத்தம் கொடுக்க முயன்ற பைடன் - வைரலாகும் வீடியோ!

வைரல் புகைப்படம்

இந்த ஒலிம்பிக் போட்டியின் தொடக்க விழாவின் போது பிரான்ஸ் அதிபர் இம்மானுவேல் மேக்ரான் பிரான்ஸ் நாட்டின் விளையாட்டு அமைச்சர் அமெலி ஓடியா-காஸ்டெராவை முத்தமிட்டார். அப்போது எடுக்கப்பட்ட புகைப்படங்கள் இணையத்தில் தீயாய் பரவி வைரலாகி வருகிறது.

அமெலி ஓடியா-காஸ்டெரா பிரான்ஸ் அதிபர் இம்மானுவேல் மேக்ரானின் கழுத்தை ஒரு கையில் பிடித்துக்கொண்டு கன்னத்தில் முத்தமிடுவது போல் புகைப்படம் அமைந்திருக்கிறது. எக்ஸ் தளத்தில் வெளியான இந்த புகைப்படங்கள் 4 மில்லியனுக்கும் அதிகமான பார்வைகளை பெற்றுள்ளது.

இதை பார்த்த நெட்டிசன்கள் பலரும் “இது அநாகரீகமானது” என கருத்து தெரிவித்துள்ளனர். இன்னும் சிலர் இந்த புகைப்படத்திற்கு மேக்ரானின் மனைவி பிரிஜிட் மேக்ரான் எவ்வாறு பதிலளிப்பார் என்று கற்பனை செய்து மீம்ஸ்களை உருவாக்கினர்.