விபத்தில் சிக்கிய குக் வித் கோமாளி பவித்ரா லட்சுமி; ஆறுதல் கூறிய ரசிகர்கள் - என்ன நடந்தது?
Jiyath
in பிரபலங்கள்
விபத்தில் சிக்கிய பவித்ரா லட்சுமிக்கு ரசிகர்கள் ஆறுதல் கூறியுள்ளனர்.
பவித்ரா லட்சுமி
மாடலிங் மூலம் பிரபலமடைந்தார் பவித்ரா லட்சுமி . பின்னர் சில குறும்படங்களில் நடித்திருந்தார். அதன் பிறகு விஜய் டிவியில் ஒளிபரப்பாகு "குக் வித் கோமாளி" சீசன் நிகழ்ச்சியில் பங்கேற்றார். இதன் மூலம் ஏராளமான இளைஞர் ரசிகர்களை கவர்ந்தார்.
இதன் மூலம் மேலும் புகழடைந்த பவித்ரா காமெடி நடிகர் சதீஷுக்கு ஜோடியாக "நாய் சேகர்" என்ற படத்தில் நடித்தார். இப்போது அவர் தமிழ் மற்றும் மலையாள படங்களிலும் நடித்து வருகிறார். சமூக வலைத்தளங்களில் ஆக்டிவாக இருக்கும் இவர் சில நாட்களாக பதிவுகள் ஏதும் இடவில்லை. இதனால் இவர்களின் ரசிகர்கள் சோகமடைந்தனர்.
விபத்து
இந்நிலையில் ரசிகர்கள் இதுகுறித்து பவித்ராவிடம் கேள்வி எழுப்பினர். அதற்கு பதிலளித்த பவித்ரா "மூன்று வாரங்களுக்கு முன்னர் தான் சிறிய விபத்தில் சிக்கியதாகவும், ஆனால் பெரிய அடி இல்லை என்றும் தெரிவித்துள்ளார். தற்போது கொஞ்சம் கொஞ்சமாக தன்னுடைய வலியிலிருந்து மீண்டு வருவதாகவும் கூறியுள்ளார்.
தன்னால் புதிய புகைப்படங்களை எடுக்க முடியவில்லை என்றும் முன்னதாக தான் எடுத்துள்ள சுவிட்சர்லாந்து மற்றும் பாரீஸ் புகைப்படங்கள் மட்டுமே உள்ளதாகவும் கூறியுள்ளார். அந்தப் புகைப்படங்களை மட்டுமே தான் இன்ஸ்டாகிராமில் போஸ்ட் செய்து வருவதாகவும் கொஞ்சம் அட்ஜெஸ்ட் செய்து கொள்ளுங்கள் என்றும் ரசிகர்களிடம் தெரிவித்துள்ளார்.
இதை கேட்ட ரசிகர்கள், பவித்ரா விரைவில் தன்னுடைய காயத்திலிருந்து மீண்டு வர வாழ்த்துக்களை தெரிவித்து வருகின்றனர்.
