வக்பு சட்டத் திருத்த மசோதா.. ஒப்புதல் அளித்திருப்பது ஏற்புடையதல்ல -பழனிசாமி கண்டனம்!

 நாடாளுமன்றத்தில் தாக்கல் செய்யப்பட உள்ள வக்பு வாரிய திருத்த மசோதாவைக் கைவிட வேண்டும் என அதிமுக பொதுச் செயலாளர் பழனிசாமி வலியுறுத்தியுள்ளார்.

வக்பு சட்டத் திருத்த மசோதா

வக்பு சட்டத் திருத்த மசோதா தொடர்பான திருத்தங்களைப் பரிந்துரைக்க அமைக்கப்பட்ட நாடாளுமன்ற கூட்டுக் குழு, பல்வேறு தரப்பினர் முன்வைத்த பரிந்துரைகளை நிராகரித்துவிட்டு, அவசரம் அவசரமாக சட்ட மசோதாவுக்கு ஒப்புதல் அளித்திருப்பது ஏற்புடையதல்ல.

தமிழகம் உட்பட இந்தியா முழுவதும் உள்ள வக்பு சொத்துகள், வக்பு சட்டத்தால் நிர்வகிக்கப்பட்டு வருகின்றன. இந்நிலையில், இந்த சட்டத்தில் திருத்தங்களை மேற்கொள்ள மத்திய பாஜக அரசு கொண்டுவந்துள்ள வக்பு சட்டத் திருத்த மசோதா, வக்பு சொத்துகள் மீதான இஸ்லாமியர்களின் உரிமையை பறிக்கும் வகையிலும்,

லாரி ஏற்றிப் படுகொலை செய்யப்பட்ட சமூக ஆர்வலர் .. திசை திருப்பும் திமுக அரசு - ஈபிஎஸ் பரபர தகவல்!

ஆக்கிரமிப்புக்கு துணை போகும் வகையிலும் உள்ளதாகவும், இதனால் இஸ்லாமியர்களின் வழிபாட்டுத் தலங்கள், அடக்க ஸ்தலங்கள் மீதான உரிமைகளும் பறிபோகும் வாய்ப்புள்ளதாக இஸ்லாமிய சமூக மக்கள் அச்சம் தெரிவிக்கின்றனர்.

 பழனிசாமி

அதற்கு எதிராக நாடு முழுவதும் அவர்கள் போராட்டங்களை நடத்தி வருகின்றனர். இந்த சட்டத் திருத்தம் வக்பு சொத்துகளைப் பாதுகாக்கும் நோக்கம் கொண்டது என மத்திய அரசு கூறினாலும், அந்த ஷரத்துக்கள் சிறுபான்மை மக்களுக்கு எதிராக உள்ளது என்ற இஸ்லாமிய மக்களின் அச்சம் நியாயமானதுதான்.

எனவே, மத்திய அரசு சிறுபான்மை மக்களின் உணர்வுகளை மதித்து, நாடாளுமன்றத்தில் தாக்கல் செய்யப்பட உள்ள வக்பு வாரிய திருத்த மசோதாவைக் கைவிட வேண்டும். இவ்வாறு அறிக்கையில் கூறப்பட்டுள்ளது