இணையத்தை கலக்கும் இயக்குனர் பா. ரஞ்சித்தின் ‘நட்சத்திரம் நகர்கிறது’ படக்குழுவின் புகைப்படங்கள்

பிரபல இயக்குனரான வெங்கட் பிரபுவிடம் உதவி இயக்குனராக பணியாற்றியவர் பா.ரஞ்சித். பின் 2012 ஆம் ஆண்டு வெளிவந்த அட்டகத்தி படத்தின் மூலம் இயக்குனரானார்.

முதல் படத்திலேயே வெற்றி கண்ட பா.ரஞ்சித் அடுத்ததாக கார்த்தியை வைத்து மெட்ராஸ் படத்தை இயக்கினார். அப்படத்தின் மாபெரும் வெற்றியால் சூப்பர்ஸ்டார் ரஜினிகாந்தை இயக்கும் வாய்ப்பை பெற்றார்.

கபாலி, காலா என ரஜினியை வைத்து இரு படங்களை இயக்கி முன்னணி இயக்குனராக உயர்ந்தார்.

படம் இயக்குவதோடு மட்டுமில்லாமல் நீலம் புரொடக்ஷன்ஸ் சார்பாக பரியேறும் பெருமாள் படத்தை தயாரித்து தயாரிப்பாளராகவும் உருவெடுத்தார் பா.ரஞ்சித்.

தொடர்ந்து அவரது தயாரிப்பில் வெளிவந்த இரண்டாம் உலகப்போரின் கடைசி குண்டு, ரைட்டர் ஆகிய படங்கள் ரசிகர்களின் கவனத்தை ஈர்த்தது.

தயாரிப்பாளராகவும் வெற்றி கண்ட பா.ரஞ்சித் இயக்கத்தில் கடந்தாண்டு வெளிவந்த சார்பட்டா பரம்பரை திரைப்படம் மெகா ஹிட்டானது.

ஆர்யா நடிப்பில் ஓடிடியில் வெளியான இப்படம் ரசிகர்களிடையே மாபெரும் வரவேற்பைப்பெற்றது. இப்படத்தின் வெற்றியை அடுத்து பா.ரஞ்சித் முற்றிலும் மாறுபட்ட கூட்டணியோடு நட்சத்திரம் நகர்கிறது என்னும் படத்தை இயக்கி முடித்துள்ளார்.

அசோக் செல்வன், காளிதாஸ் ஜெயராம் ஆகியோர் நாயகர்களாக நடிக்க சர்பட்டா புகழ் துஷாரா விஜயன் நாயகியாக நடிக்கின்றார்.அறிமுக இசையமைப்பாளர் டென்மா இப்படத்திற்கு இசையமைக்கிறார்.

தற்போது இப்படத்தின் படப்பிடிப்பு முடிந்ததையடுத்து படக்குழு கேக் வெட்டி கொண்டாடியுள்ளது. அப்போது எடுத்துக்கொண்ட புகைப்படத்தை சமூகவலையத்தளங்களில் பதிவிட்டுவருகின்றனர்.

It's a wrap for #PaRanjith's next #NatchathiramNagargirathu ✨@beemji @YaazhiFilms_ @kishorkumardop@EditorSelva @tenmamakesmusic@jayaraguart @kalidas700 @officialdushara @shabzkal @KalaiActor @thehari___ @iamSandy_Off @_STUNNER_SAM @pro_guna pic.twitter.com/027pS3PRZp

— Neelam Productions (@officialneelam) January 5, 2022

வழக்கமாக பா.ரஞ்சித் படத்தில் பணியாற்றும் சந்தோஷ் நாராயணன், ஒளிப்பதிவாளர் முரளி இப்படத்தில் இல்லை என்பது குறிப்பிடத்தக்கது.