Re -entry கொடுப்பாரா ஓவியா..? மீண்டும் வந்த பிக் பாஸ் வாய்ப்பு
Karthick
in பிரபலங்கள்
பிக் பாஸ் நிகழ்ச்சி மூலம் பெரும் பிரபலமடைந்த நடிகை ஓவியாவுக்கு மீண்டும் அந்நிகழ்ச்சியில் பங்கேற்பதற்கான வாய்ப்பு வந்துள்ளதாக ஓவியா தெரிவித்துள்ளார்.
பிக் பாஸ்
6 சீசன்களை கடந்துள்ள பிக் பாஸ் நிகழ்ச்சி தற்போது 7-வது சீசனுக்காக தயாராகி வருகிறது. இந்த சீசனில் கூடுதலாக மேலும் ஒரு வீடு அதாவது இரண்டு வீடு அதிகளவு போட்டியாளர்கள் என புது புது யுக்திகள் கையாள படவுள்ளதாக தகவல்கள் வெளிவந்து கொண்டிருக்கின்றன.
இந்நிலையில், முதல் சீசனில் பங்கெடுத்து மாபெரும் வரவேற்ப்பை ரசிகர்களிடம் பெற்றவர் நடிகை ஓவியாவிற்கு மீண்டும் இந்நிகழ்ச்சியில் பங்கெடுத்து கொள்வதற்காக அழைப்பு வந்துள்ளதாக ஓவியா சமீபத்திய பேட்டி ஒன்றில் தெரிவித்துள்ளார்.
இன்னும் முடிவெடுக்கவில்லை
தனியார் பேட்டி ஒன்றில் இது குறித்து அவர் கூறும் போது தான் இந்த சீசனிற்கு கலந்து கொள்வேன் வாய்ப்பிருப்பதாக தெரிவித்த அவர், ஆனால் அது பற்றி தனக்கு சரியாக தெரியவில்லை என கூறினார். தனக்கு பிக் பாஸ் 7 க்கு அழைப்பு வந்ததாக குறிப்பிட்ட அவர், தற்போது வரையில் அது குறித்து எந்த ஒரு முடிவும் எடுக்கவிலை என்றும் அது பற்றி யோசிக்கவில்லை என கூறியுள்ளார்.
ரசிகர்களுக்கு பிக் பாஸ் நிகழ்ச்சி சீசன் 1 என்றால் ஓவியா தான் சட்டென நினைவிற்கு வருவார்கள் என்ற காரணத்தால், மீண்டும் பங்கேற்பது குறித்து அவரே கூறியுள்ள சூழலில் ரசிகர்களுக்கு இந்த சீசன் மீது எதிர்பார்ப்பு அதிகரித்துள்ளது.
