முதலமைச்சர் மு.க.ஸ்டாலினை பார்த்து எதிர்க்கட்சிகள் பயப்படுகின்றன - அமைச்சர் உதயநிதி

மறைந்த முன்னாள் முதலமைச்சர் மு.கருணாநிதியை விடவும் சமூகநீதியை காக்க முதலமைச்சர் மு.க.ஸ்டாலின் சிறப்பாக செயல்படுவதால் அவரைப் பார்த்து எதிர்க்கட்சிகள் பயப்படுகின்றன என அமைச்சர் உதயநிதி ஸ்டாலின் தெரிவித்துள்ளார்.

முதலமைச்சர் மு.க.ஸ்டாலினை பார்த்து பயப்படுகிறார்கள்

சென்னையில் நடந்த நிகழ்ச்சி ஒன்றில் அமைச்சர் உதயநிதி ஸ்டாலின் கலந்துக் கொண்டு சிறப்புரையாற்றினார். அப்போது அவர் பேசுகையில்,

இன்றைக்கு நம்முடைய முதலமைச்சர் மு.க.ஸ்டாலினை பார்த்து எதிர்க்கட்சியினர் பயப்படுகிறார்கள். முன்னாள் முதலமைச்சர் கருணாநிதியை விட சமூக நீதியைக் காப்பதில் அதிக அக்கறையை முதலமைச்சர் செலுத்தி வருகிறார்.

ஒவ்வொரு சமுதாயத்திற்கும் என்னென்ன திட்டங்கள் தேவையோ அதனை முறையாக நமது முதலமைச்சர் செயல்படுத்தி வருகிறார். நமது முதலமைச்சர் இதுவரை மூன்று போர்களில் வென்றுள்ளார்.

மக்களவை தேர்தல், சட்டமன்றத் தேர்தல் என்ற 4-வது போரிலும் முதலமைச்சர் நிச்சயம் வெற்றி பெறுவார் என்றார்.