ஊரைச் சுற்றிய எமன்…அரிசி கொம்பன் யானை தாக்கி ஒருவர் உயிரிழப்பு

கம்பத்தில் ஊரைச் சுற்றி வரும் அரிசி கொம்பன் யானை தாக்கியதில் ஒருவர் உயிரிழந்த சம்பவம் சோகத்தை ஏற்படுத்தியுள்ளது.

யானை தாக்கி ஒருவர் படுகாயம் 

தேனி மாவட்டம் கம்பம் ஆசாரிமார் தெருவில் வசிப்பவர் பால்ராஜ் (65). இவர் பேருந்து நிலையம் அருகே உள்ள டாஸ்மாக் கடையில் இரவு நேர காவலராக பணியாற்றி வந்தார்.

இந்த நிலையில் கடந்த மே மாதம் 27ஆம் தேதி கம்பம் நகருக்குள் அரிசி கொம்பன் யானை புகுந்து நாட்டுக்கல், நந்தகோபாலன் கோயில் தெருக்களில் சுற்றி வந்தது.

அப்போது பால்ராஜ் இரவு பணி முடிந்து இரு சக்கர வாகனத்தில் அந்த வழியாக வந்துள்ளார். அப்போது அவரை கடந்து சென்ற யானை துதிக்கையால் தள்ளி விட்டதில் பலத்த காயமடைந்தார்.

பின்னர் அவரை அருகில் இருந்தவர்கள் மீட்டு அரசு மருத்துவமனையில் சிகிச்சைக்கு அனுமதித்தனர். தொடர்ந்து அவர் மேல் சிகிச்சைக்காக தேனி அரசு மருத்துவ கல்லுாரி மருத்துவமனையில் சிகிச்கைக்காக அனுமதித்தனர்.

சிசிக்சை பலனின்றி உயிரிழப்பு 

அவருக்கு அங்கு தீவிர சிகிச்சை அளிக்கப்பட்டு வந்த நிலையில், சிசிச்சை பலனின்றி திங்கள்கிழமை இரவு உயிரிழந்தார்.

இதுபற்றி கம்பம் தெற்கு காவல் நிலைய காவல்துறையினர் வழக்குப்பதிவு செய்து விசாரணை நடத்தி வருகின்றனர்.

இச்சம்பவம் பற்றி அறிந்த அமைச்சர் ஐ.பெரியசாமி காயம்பட்ட பால்ராஜை நேரில் சந்தித்து ஆறுதல் கூறி நிவாரண உதவி வழங்கினர்.

தேனி மாவட்டத்தில் அரிசி கொம்பன் யானையை பிடிக்க 5-வது நாளாக வனத்துறையினர் முகாமிட்டுள்ளனர். செவ்வாய்க்கிழமை நிலவரப்படி அரிசி கொம்பன் சண்முகா நதி அணை அருகே உள்ள வனப்பகுதிக்குள் சென்றுவிட்டது.

அரிக்கொம்பன் யானையின் நடமாட்டத்தை கண்காணித்து வருகின்றனர். பொதுமக்கள் அந்த பகுதிக்குள் செல்லாதவாறு காவல்துறையினர் தடை விதித்துள்ளனர்.