இனிமேல் எந்த கட்சியிலும் சேரும் எண்ணம் இல்லை : யஷ்வந்த் சின்ஹா திட்டவட்டம்

ஜனாதிபதி தேர்தல் கடந்த 18-ம் தேதி நடைபெற்று முடிந்த நிலையில், எதிர்க்கட்சிகளின் பொது வேட்பாளராக அறிவிக்கப்பட்ட யஷ்வந்த் சின்ஹா தோல்வியைத் தழுவினார்.

தேர்தலில் போட்டி

பா.ஜ.க தலைமையிலான தேசிய ஜனநாயகக் கூட்டணியின் வேட்பாளர் திரவுபதி முர்மு வெற்றி பெற்றார். அதைத் தொடர்ந்து, இந்தியாவின் 15-வது ஜனாதிபதியாக நேற்று பதவியேற்றார்.

எதிர்க்கட்சிகளின் பொது வேட்பாளராக அறிவிக்கப்பட்ட யஷ்வந்த் சின்ஹா, மேற்கு வங்க சட்டமன்றத் தேர்தலுக்கு சில தினங்களுக்கு முன்னதாக, மார்ச் 2021-ல் திரிணாமூல் ககாங்கிரஸ் கட்சியில் இணைந்தார்.

 எந்தக் கட்சியிலும் சேரப் போவதில்லை

அதற்கு முன்பு அவர் 2018 வரை பா.ஜ.க-வில் இருந்தார் என்பது குறிப்பிடத்தக்கது. இந்த நிலையில், ஜனாதிபதி தேர்தல் தோல்வி குறித்துப் பேசிய அவர், `` நான் வேறு எந்தக் கட்சியிலும் சேரப் போவதில்லை.

நான் சுதந்திராமாக இருக்கப் போகிறேன் என யஷ்வந்த் சின்ஹா கூறியுள்ளார்,இப்போது எனக்கு 84 வயதாகிறது. எவ்வளவு சுறுசுறுப்பாக இருப்பேன் என்பதை நான் பார்க்க வேண்டும்.

பொது வாழ்க்கையில் என்ன பங்கு வகிக்க வேண்டும் என்பது குறித்து இன்னும் முடிவு செய்யவில்லை எனக் கூறினார்.