வெளியானது நெற்றி கண் அப்டேட் - நயன்தாரா ரசிகர்கள் கொண்டாட்டம்!

நயன்தாரா நடிப்பில் உருவாகியுள்ள நெற்றிக்கண் படத்தின் பர்ஸ்ட் சிங்கிள் அப்டேட் வெளியாகியுள்ளது.

அவள் என்ற ஹாரர் திரில்லர் படத்தை இயக்கிய மிலிந்த் ராவ் இயக்கத்தில், நயன்தாரா நெற்றிக்கண் படத்தில் நடித்துள்ளார்.

இப்படத்தை விக்னேஷ் சிவனின் ரவுடி பிக்சர்ஸ் நிறுவனம் தயாரித்துள்ளது. க்ரிஷ் கோபாலகிருஷ்ணன் என்பவர் இசையமைத்துள்ளார்.

இது நயன்தாராவின் 65-வது படமாகும். இந்தப் படத்தில் நயன்தாரா கண் தெரியாத பெண்ணாக நடித்துள்ளார். இப்படத்தின் டீசர் சில மாதங்களுக்கு முன்பு வெளியாகி நல்ல வரவேற்பைப் பெற்றது.

‘ப்ளைண்ட்’ என்னும் கொரியப் படத்தின் அதிகாரபூர்வ தமிழ் ரீமேக் தான் நெற்றிக்கண் திரைப்படம். தற்போது நெற்றிக்கண் படத்தின் பர்ஸ்ட் லுக் குறித்த அப்டேட் வெளியாகியுள்ளது.

இப்படத்தின் முதல் பாடலான ‘இதுவும் கடந்து போகும்’ என்ற பாடல் ஜூன் 9-ம் தேதி காலை 9 மணிக்கு வெளியாக இருப்பதாகப் படக்குழுவினர் தெரிவித்துள்ளனர்.

இதையடுத்து நயன்தாராவின் ரசிகர்கள் உற்சாகமாகமடைந்துள்ளனர்.

Mark your calendars for 9️⃣JUNE 9️⃣AM!#IdhuvumKadandhuPogum from #Netrikann coming your way! ❤️

The #HealingSong ! 🎶@Rowdy_Pictures #Nayanthara @VigneshShivN @milind_rau @ajmal_amir #Chaitanyarao @RDRajasekar @sidsriram @kross_pictures @lyricist_kN#NetrikannSingle pic.twitter.com/p8apSXa7Vk

— Sony Music South (@SonyMusicSouth) June 7, 2021

தியேட்டரில் இப்படம் வெளியாவதாக இருந்தது. ஆனால் கொரோனா அச்சுறுத்தல் காரணமாக தியேட்டர்கள் முடங்கியுள்ளதால் படத்தை ஓடிடி-யில் வெளியிட படக்குழு முடிவு செய்துள்ளதாக சினிமா வட்டாரங்கள் தெரிவிக்கின்றன.