நயன்தாரா, விக்கிக்கு காதல் பரிசாக கொடுத்த பிரமாண்ட பங்களா - பதிலுக்கு விக்கி கொடுத்த பரிசு... இத்தனை கோடியா - ரசிகர்கள் ஷாக்

நயன்தாரா - விக்னேஷ் தமிழ் சினிமாவின் முன்னணி நடிகைகளில் ஒருவராக உள்ள நடிகை நயன்தாராவும், இயக்குநர் விக்னேஷ் சிவனும் மகாபலிபுரத்தில் உள்ள ஷேர்டன் என்கிற நட்சத்திர விடுதியில் திருமணம் நேற்று கோலாகலமாக நடந்தது.

நயன்தாரா - விக்னேஷ் திருமணம்

7 வருடங்களுக்கு மேலாக காதலித்து வந்த நயன்தாரா, விக்னேஷ் சிவன் இன்று தங்களது கணவன், மனைவி வாழ்க்கையின் அடுத்த கட்டத்திற்கு நகர்ந்திருக்கிறார்கள். இந்து முறைப்படி இவர்களது திருமணம் நடந்தது. நேற்று காலை நடிகர் ரஜினிகாந்த் தாலியை எடுத்து விக்னேஷ் சிவன் கையில் கொடுக்க, 8:30 மணியளவில் நயன்தாராவின் கழுத்தில் விக்னேஷ் சிவன் தாலியை கட்டினார்.

பிரபலங்கள் பங்கேற்பு

இத்திருமணத்தில் பாலிவுட் சூப்பர் ஸ்டார் ஷாருக்கான், தமிழக சூப்பர் ஸ்டார் ரஜினிகாந்த், விஜய், அஜித், கலா மாஸ்டர், விஜய்சேதுபதி, நெல்சன், அனிருத், விஜய் சேதுபதி உள்ளிட்ட பல நடிகர்கள் கலந்து கொண்டனர். மேலும், தமிழக முதல்வர் மு க ஸ்டாலின், நடிகரும் எம்எல்ஏவுமான உதயநிதி ஸ்டாலின் ஆகியோர் சிறப்பு விருந்தினர்களாக பங்கேற்று உள்ளனர். திருமணத்தில் செல்போன்களுக்கு அனுமதியில்லை என பல்வேறு பலத்த கட்டுப்பாடுகளுடன் திருமணம் நடந்து முடிந்துள்ளது.

புகைப்படங்கள் வைரல்

திருமணத்தின் புகைப்படங்களை நயன்தாராவும், விக்னேஷ் சிவனும் தனது டுவிட்டர் பக்கத்தில் வெளியிட்டனர். அந்த புகைப்படங்கள் நேற்று இணையத்தை சுற்றி வலம் வந்தது. ரசிகர்கள் நயன்தாரா, விக்னேஷ் சிவன் திருமணத்திற்கு டுவிட்டர், இன்ஸ்டா, தனது செல்போனில் புகைப்படங்களை பதிவிட்டு வாழ்த்துக்களை தெரிவித்தனர்.

காதல் பரிசு

இந்நிலையில், விக்னேஷ் சிவனுக்காக நயன்தாரா 20 கோடி மதிப்புள்ள பிரமாண்ட பங்களாவை காதல் பரிசாக கொடுத்திருக்கிறார். பதிலுக்கு, திருமணத்தின் போது, நயன் அணிந்திருந்த வைர திருமண மோதிரம் - ரூ.5 கோடியாம், எமரால்டு, வைர நகைகள், தாலி சுமார் ரூ.3 முதல் 4 கோடி மதிப்பு இருக்குமாம். இவை அனைத்தும் விக்கி நயன்தாராவிற்கு காதல் பரிசாக கொடுத்துள்ளாராம். இவர்கள் இருவரும் மாறி மாறி காதல் அன்பு பரிசுகள் பரிமாறிக் கொண்டிருக்கிறார்கள்.