விக்கி - நயனுக்கு விரைவில் ‘டும்..டும்..டும்..’ - எப்போதுன்னு தெரியுமா? - இதோ வெளியான தகவல் - ரசிகர்கள் மகிழ்ச்சி

தமிழ் சினிமாவின் முன்னணி நடிகையாக வலம் வருபவர் நடிகை நயன்தாரா. இவர் ‘நானும் ரௌடி தான்’ படத்தில் நடித்த போது அப்படத்தின் இயக்குநரான விக்னேஷ் சிவனுடன் காதலில் விழுந்தார். கடந்த 6 வருடங்களாக இவர்கள் இருவரும் காதலித்து வருகின்றனர். இவர்களின் திருமணம் எப்போது என்று ரசிகர்கள் பலரும் எதிர்பார்த்து காத்துக் கொண்டிருக்கின்றனர்.

சமீபத்தில் விஜய் டிவியில் நிகழ்ச்சி ஒன்றில் தொகுப்பாளர் டிடிக்கு அளித்த பேட்டியில், நடிகை நயன்தாரா, தனக்கும் விக்னேஷ் சிவனுக்கும் நிச்சயதார்த்தம் ஆகிவிட்டதாக கூறினார்.

இதனால், இந்தாண்டு அவர் திருமணம் செய்வார் என்று ரசிகர்களால் எதிர்பார்க்கப்பட்டது. ஆனால், சமீபத்தில் கோவில் ஒன்றுக்கு நயன்தாராவும், விக்னேஷ் சிவனும் வந்தனர்.

அப்போது, நயன்தாரா நெற்றியில் குங்குமம் வைத்து கோவிலுக்கு வந்ததால், இவர்கள் இருவருக்குள்ளும் ரகசியத் திருமணம் நடந்து விட்டதா? என்று ரசிகர்கள் மத்தியில் பரபரப்பாக பேசப்பட்டது.

விஜய் சேதுபதி நாயகனாக நடித்துள்ள ‘காத்துவாக்கு ரெண்டு காதல்’ படத்தில், அவருக்கு ஜோடியாக சமந்தா மற்றும் நயன்தாரா நடித்துள்ளனர். அனிருத் இசையமைத்துள்ள இப்படம் வரும் 28ம் தேதி ரிலீஸாக உள்ளது.

இந்நிலையில், அனைவரும் எதிர்பார்த்த நயன்தாரா - விக்னேஷ் சிவன் திருமணம் குறித்து புதிய அப்டேட் தற்போது வெளியாகி உள்ளது.

வரும் ஜூன் மாதம் இவர்களது திருமணம் நடைபெற உள்ளதாக தகவல் வெளியாகி இருக்கிறது. ஆனால், எந்த தேதியில் நடைபெறும் என்பது குறித்த தகவல் வெளியாகவில்லை. இவர்களது திருமணம் கேரளா அல்லது வெளிநாட்டில் நடக்க வாய்ப்பு இருப்பதாக சொல்லப்படுகிறது.