தேசிய விருதுகளை வென்று குவித்த ஆர் ஆர் ஆர், புஷ்பா

69-வது தேசிய திரைப்பட விருதுகள்:

இதில் தமிழில் வெளியான 'சிற்பிகளின் சிற்பங்கள்' என்ற படம் "Best Educational Film' தேசிய விருது பெற்றது: இப்படத்தை இயக்குநர் பி.லெனின் இயக்கியுள்ளார். சிறந்த திரைப்படத்திற்கான விருது மாதவன் இயக்கி நடித்த ராக்கெட்டரி படத்திற்கு அறிவிக்கப்பட்டுள்ளது.

சிறந்த தமிழ்த் திரைப்படத்துக்கான விருது, மணிகண்டன் இயக்கிய 'கடைசி விவசாயி' படத்துக்கு அறிவிப்பு. 'கடைசி விவசாயி' படத்தில் நடித்த திரு. நல்லாண்டிக்கு தேசிய திரைப்பட விருதுகளில் 'Special mention' அறிவிக்கப்பட்டுள்ளது.  

சிறந்த பாடல் இசைக்கான விருது, 'புஷ்பா' படத்துக்காக தேவி ஸ்ரீ பிரசாத்துக்கும், சிறந்த பின்னணி இசைக்கான விருது 'ஆர்.ஆர்.ஆர்' படத்துக்கான கீரவாணிக்கும் அறிவிப்பு. சிறந்த நடிகர் விருது 'புஷ்பா' படத்துக்காக அல்லு அர்ஜுனுக்கு வழங்கப்படுகிறது.

சிறந்த பின்னணி பாடகருக்கான விருதை ஆர் ஆர் ஆர் படத்திற்காக காலபைரவாவும், பாடகிக்கான விருது பார்த்திபனின் இரவின் நிழல் படத்திற்காக ஷ்ரேயா கோஷலும் பெற்றுள்ளனர்.

2021ம் ஆண்டு அனைத்து தரப்பு மக்களிடமும் வரவேற்பு பெற்ற திரைப்படமாக 'RRR' தேர்வு. சிறந்த துணை நடிகர் விருதை பங்கஜ் திரிபாதி மிமி திரைப்படத்திற்காக வென்றுள்ளார்.கன்னட மொழியில் சிறந்த படமாக சார்லி 777 வென்றுள்ளது.

ஆர் ஆர் ஆர் படம் சிறந்த சண்டைக்காட்சிகளுக்கான தேசிய விருதை வென்றுள்ளது இதனை கிங் சாலமன் பெறுகிறார். அதே போல சிறந்த நடன இயக்குனருக்கான விருதை பிரேம் ரக்ஷித் ஆர் ஆர் ஆர் படத்திற்காக தேர்வாகியுள்ளார்.