மு.க.ஸ்டாலின் காலை உணவுத் திட்டம் என பெயர் வைக்க வேண்டும் - அமைச்சர் அன்பில் மகேஷ்!

மு.க.ஸ்டாலின் காலை உணவுத் திட்டம் என பெயர் சூட்ட வேண்டும் என அன்பில் மகேஷ் தெரிவித்துள்ளார்.  

அமைச்சர் அன்பில் மகேஷ்!

காலை உணவு திட்டம் குறித்து அமைச்சர் அன்பில் மகேஷ் வெளியிட்டுள்ள எக்ஸ் தள பதிவில், தமிழ்நாடு முதலமைச்சர் மு.க.ஸ்டாலின் அவர்கள் இந்நூற்றாண்டின் மிகச்சிறந்த திட்டமான "முதலமைச்சர் காலை உணவுத் திட்டத்தை" இன்று ஊரகப் பகுதிகளில் உள்ள அரசு உதவி பெறும் பள்ளிகளிலும் விரிவுப்படுத்தியுள்ளார்கள்.

இதன் மூலம் புதிதாக 3995 அரசு உதவி பெறும் பள்ளிகளில் பயிலும் 2.23 இலட்சம் மாணவர்கள் பலன் பெறுவார்கள். ஒட்டுமொத்தமாக 34,987 அரசு மற்றும் அரசு உதவி பெறும் பள்ளிகளில் பயிலும் 22 லட்சத்திற்கும் மேற்பட்ட மாணவர்கள் பயனடைகிறார்கள்.

பசியோ,நீட் தேர்வோ மாணவர்களுக்கு தடை இருக்க கூடாது..இதுவே என் எண்ணம் - முதல்வர் பேச்சு!

காலை உணவுத் திட்டம்

22 லட்சம் மாணவர்களின் வயிற்றுப் பசியை போக்கி, அவர்களின் பெற்றோர்களுக்கு மன நிறைவை தந்துள்ள தமிழ்நாட்டின் தாயுமானவர் மு.க.ஸ்டாலின் அவர்களைவணங்குகின்றோம்.

இத்திட்டம் இந்திய ஒன்றியத்திற்கு மட்டுமல்ல, உலகிற்கே வழிகாட்டும் திட்டமாக அமைந்துள்ளது.சட்டமன்றத்தில் தெரிவித்ததை இங்கே மீண்டும் பதிவு செய்கின்றேன். இந்த மகத்தான திட்டத்திற்கு "மு.க.ஸ்டாலின் காலை உணவுத் திட்டம்" எனும் பெயர் சூட்ட வேண்டும். கடல் தாண்டி உலகம் முழுக்க இத்திட்டம் பரவ வேண்டும் என தெரிவித்துள்ளார்.