சவால் விடுத்த அண்ணாமலை - செஞ்சு காட்டிய சீமான்!
நாம் தமிழர் கட்சி சில தொகுதிகளில் 3வது இடத்தில் முன்னிலை வகித்து வருகிறது.
அண்ணாமலை சவால்
தமிழ்நாட்டில் 39 தொகுதிகள் மற்றும் புதுச்சேரியில் ஒரு தொகுதி என 40 தொகுதிகளில் கடந்த ஏப்ரல் 19-ந் தேதி ஒரே கட்டமாக நாடாளுமன்ற தேர்தல் நடைபெற்றது.
இதில் திமுக, பாஜக, அதிமுக ஆகிய கட்சிகள் கூட்டணிகளோடும், நாம் தமிழர் கட்சி தனித்தும் பேட்டியிட்டது. இந்நிலையில், தேர்தலில் பதிவான வாக்குகள் இன்று எண்ணப்பட்டு வருகிறது. தமிழகத்தில், திமுக கூட்டணி முன்னிலையில் உள்ளது.
நாதக முன்னிலை
தர்மபுரி தொகுதியில் பாமகவின் சௌமியா அன்புமணியும், விருதுநகர் தொகுதியில் அதிமுக கூட்டணி வேட்பாளர் விஜய பிரபாகரனும் முன்னிலை வகித்து வருகின்றனர்.
நாம் தமிழர் கட்சியினர் கன்னியாகுமரி, திருநெல்வேலி, தென்காசி, ஈரோடு ,நாகப்பட்டினம் ,திருச்சி, மற்றும் புதுச்சேரி ஆகிய 8 தொகுதிகளில் 3வது இடத்த்இல் நீடித்து வருகின்றன.
இதற்கிடையில், பாஜகவை விட நாம் தமிழர் கட்சி கூடுதல் ஓட்டுகளை வாங்கி காட்டட்டும் என்று அண்ணாமலை சவால் விடுத்திருந்தார். தற்போதைய நிலவரப்படி பாஜகவை விட 8 இடங்களில் நாம் தமிழர் கட்சி முன்னிலை வகித்து வருவது குறிப்பிடத்தக்கது.
