சென்னைக்கு கனமழை எச்சரிக்கை: வங்கக்கடலில் உருவானது முரசு புயல்!

தென்மேற்கு மற்றும் மத்திய மேற்கு வங்கக்கடலில் இன்று காலை 11.30 மணியளவில் முரசு புயல் உருவானதாக இந்திய வானிலை ஆய்வு மையம் அறிவித்துள்ளது.

இந்தப் புயல் மேற்கு வடமேற்கு திசையில் நகர்ந்து ஆந்திராவை நோக்கிச் செல்கிறது. வரும் நவம்பர் 3ஆம் தேதி காலை தெற்கு ஆந்திராவின் நெல்லூர் அருகே கரையைக் கடக்கும் எனக் கணிக்கப்பட்டுள்ளது.

100 முதல் 110 கி.மீ. வேகத்தில் காற்று 

புயல் காரணமாக தமிழகத்தில் பெரிய அளவிலான பாதிப்பு இருக்காது என்றாலும், சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை மற்றும் வேலூர் மாவட்டங்களில் அடுத்த இரண்டு நாட்களுக்கு கனமழை முதல் மிதமான மழை பெய்ய வாய்ப்புள்ளதாக வானிலை மையம் தெரிவித்துள்ளது.

மேலும், முரசு புயல் தீவிரப் புயலாக வலுப்பெறக்கூடும் என்றும், கரையைக் கடக்கும்போது மணிக்கு 100 முதல் 110 கி.மீ. வேகத்தில் காற்று வீசக்கூடும் என்றும் எச்சரிக்கப்பட்டுள்ளது.