இன்ஸ்டாகிராம் காதலனை திருமணம் செய்யனும் - 5 வயது மகளை கொன்ற கொடூரத் தாய்!
இன்ஸ்டாகிராம் காதலனை மணக்க தாய், மகளை கொன்ற சம்பவம் அதிர்ச்சியை ஏற்படுத்தியுள்ளது.
காதல் மோகம்
ஹிமாச்சலப் பிரதேசத்தைச் சேர்ந்த பெண் ஒருவர் கணவன் கைவிட்டு சென்ற நிலையில் 5 வயது மகளுடன் அங்கு வசித்து வந்துள்ளார்.
இந்நிலையில் டெல்லியைச் சேர்ந்த ராகுல் என்பவருடன் இன்ஸ்டாகிராமில் அவருக்கு பழக்கம் ஏற்பட்டுள்ளது. தொடர்ந்து அவரை திருமணம் செய்துக்கொள்ள விரும்பிய பெண், டெல்லிக்கு மகளுடன் இடம் பெயர்ந்துள்ளார்.
மகள் கொலை
ஆனால், ராகுலும் அவரது குடும்பமும் அந்த பெண்ணின் குழந்தையை ஏற்க மறுத்துள்ளனர். எனவே, தனது 5 வயது மகளை அந்த பெண் குழந்தையை கழுத்தை நெரித்து கொலை செய்துள்ளார். இதனையடுத்து இதுகுறித்து வழக்குப்பதிவு செய்த போலீஸார் விசாரணை மேற்கொண்டுள்ளனர்.
இதற்கிடையில், பிரேத பரிசோதனைக்காக கொண்டு வரப்பட்ட சிறுமியின் கழுத்து நெறிக்கப்பட்டதற்கான அடையாளத்தை கொண்டுள்ளது தெரியவந்துள்ளது. அதன் அடிப்படையில் தீவிர விசாரணையில் தாய் கைது செய்யப்பட்டுள்ளார்.
