வாத்தி கம்மிங் ஒத்து : வெளியானது மணி ஹெய்ஸ்ட் ரசிகர்கள் கொண்டாட்டம்

பிரபல ஓடிடி தளமான நெட்பிளிக்ஸில் பெரும் வரவேற்பு பெற்ற மணிஹெய்ஸ்ட் தொடர் வெளியானதைத் தொடர்ந்து ரசிகர்கள் இணையத்தில் கொண்டாடி வருகின்றனர்.

இந்த லாக்டவுன் காலத்தில் ஓடிடி தளங்கள் பார்ப்போர் எண்ணிக்கை அதிகரித்துள்ளது அந்த வகையில் நெட்பிளிக்ஸில் வங்கி திருட்டை அடிப்படையாகக் கொண்ட மணி ஹைஸ்ட் வெப்சீரிஸின் முதலிரண்டு பாகங்கள் 2017இல் வெளியாகின.

அடுத்த இரண்டு பாகங்கள் 2019-2020-இல் கொரோனா லாக்டவுனில் வெளியாகி இந்தியாமுழுவதும் இதன் கதாபாத்திரங்கள் இந்தியா உள்பட உலகளவில் மிகவும் பிரபலமாகின.இந்த வெப்சீரிஸுக்கு என தனி ரசிகர் பட்டாளமே உருவாகியது.

இந்நிலையில் மணி ஹெய்ஸ்டின் 5-வது பாகம் தலா 5 அத்தியாயங்கள் என இரண்டு பகுதிகளாக வெளியாவதாக அறிவிக்கப்பட்டு முதல் பகுதி இன்று வெளியானது.மணி ஹெய்ஸ்டின் முன்னணி கதாபாத்திரமான புரபசர் கைதாவதாக 4ஆம் பாகம் முடிவடைந்த நிலையில் அடுத்த பாகம் வெளியாகியுள்ளது.

ரசிகர்களிடையே மிகுந்த ஆர்வத்தை ஏற்படுத்தியுள்ளது. மணி ஹெய்ஸ்ட் வெளியானதைத் தொடர்ந்து ரசிகர்கள் இணையத்தில் அந்தத் தொடருக்கு வரவேற்பு தெரிவித்து கொண்டாடி வருகின்றனர். மணி ஹெய்ஸ்டின் 5ஆம் பாகத்தின் 2-ம் பகுதி டிசம்பர் 3 தேதி வெளியாக உள்ளது என்பது குறிப்பிடத்தக்கது.