பிக்பாஸ் பிரபலத்துடன் சிராஜ் டேட்டிங்கா? தீயாக பரவும் தகவல்

 பிக்பாஸ் பிரபலத்துடன் கிரிக்கெட் வீரர் சிராஜ் டேட்டிங்கில் உள்ளதாக தகவல் வெளியாகியுள்ளது.

முகம்மது சிராஜ்

இந்திய கிரிக்கெட் அணியின் முக்கிய பந்து வீச்சாளராக திகழ்ந்தவர் முகம்மது சிராஜ். 2023 ஆம் ஆண்டு ஐசிசி பவுலர்களுக்கான தரவரிசை பட்டியலில் சிராஜ் முதல் இடத்தில் இருந்தார். 

பார்டர் கவாஸ்கர் தொடரில் சிறப்பாக ஆடாத நிலையில், இங்கிலாந்துக்கு எதிரான ஒரு நாள் தொடரிலும் சாம்பியன்ஸ் கோப்பை தொடருக்கான இந்திய அணியிலும் சிராஜ் இடம்பெறவில்லை.

மகிரா சர்மா

இந்த நிலையில் சிராஜ், பிக் பாஸ் பிரபலமான மகிரா சர்மாவுடன் காதலில் உள்ளதாக தகவல் வெளியாகி உள்ளது. நாகினி போன்ற தொலைக்காட்சி தொடர்களில் நடித்து வந்த மகிரா சர்மா ஹிந்தி பிக்பாஸ் 13 ல் கலந்து கொண்டு பிரபலமானார். 

காஷ்மீரை சேர்ந்த மகிரா சர்மா பஞ்சாப் திரைப்படங்களிலும், ஆல்பம் பாடல்களிலும் நடித்துள்ளார். இந்நிலையில் மகிராவும் சிராஜும் டேட்டிங் செய்வதாக தகவல் வெளியாகியுள்ளது. இதை மறுத்துள்ள மகிராவின் தாய் சானியா சர்மா, " என் மகள் பிரபலமானவர் என்பதால் மக்கள் யாருடனாவது தொடர்பு படுத்தி பேசுவார்கள். இதெல்லாம் உண்மை இல்லை" என தெரிவித்துள்ளார்.

சனாய் போஸ்லே

முன்னதாக கடந்த வாரம் பிரபல பாடகியான ஆஷா போஸ்லேவின் பேத்தி சனாய் போஸ்லே தனது குடும்பத்தினர் மற்றும் நண்பர்களுடன் பிறந்த நாளை கொண்டாடினார். இதில் கிரிக்கெட் வீரர் முகம்மது சிராஜூம் கலந்து கொண்ட புகைப்படம் வெளியானது. 

இவர்கள் இருவரும் காதலித்து வருவதாக சமூகவலைத்தளத்தில் தகவல் பரவியது. இதனையடுத்து, அந்த படத்தை தங்களது இன்ஸ்டாகிராம் ஸ்டோரியில் பகிர்ந்து, சிராஜ் எனது சகோதரர் என கூறி வதந்திக்கு முற்றுப்புள்ளி வைத்தார்.