No Ball சர்ச்சை - அர்ஷ்தீப் சற்று நிதானமாக விளையாட வேண்டும் - முன்னாள் கிரிக்கெட் வீரர் கருத்து...!

அர்ஷ்தீப் சற்று நிதானமாக விளையாட வேண்டும் என்று முன்னாள் கிரிக்கெட் வீரர் முகமது கைப் கருத்து தெரிவித்துள்ளார்.

இந்தியாவை வீழ்த்தி நியூசிலாந்து அபார வெற்றி -

இந்தியாவில் சுற்றுப்பயணம் மேற்கொண்டுள்ள நியூசிலாந்து கிரிக்கெட் அணி 3 ஒருநாள் மற்றும் 3 ஆட்டங்கள் கொண்ட 20 ஓவர் தொடரில் பங்கேற்றுள்ளது.

நேற்று இந்தியா-நியூசிலாந்து அணிகள் இடையிலான 3 ஆட்டங்கள் கொண்ட 20 ஓவர் தொடரில் முதலாவது 20 ஓவர் கிரிக்கெட் போட்டி ஜார்கண்ட் மாநில தலைநகர் ராஞ்சியில் நடைபெற்றது.

இப்போட்டியின் இறுதியில், 20 ஓவர்கள் முடிவில் இந்திய அணி 9 விக்கெட்டுகளை இழந்து 155 ரன்கள் மட்டுமே எடுத்தது. இதனால், இந்தியாவை 21 ரன்கள் வித்தியாசத்தில் வீழ்த்தி நியூசிலாந்து அபார வெற்றி பெற்றது.

இந்த வெற்றியின் மூலம் 3 டி20 தொடரில் 1-0 என்ற புள்ளி கணக்கில் நியூசிலாந்து முன்னிலை பெற்றுள்ளது. அர்ஷ்தீப் சிங்கின் தொடர் நோ-பால் மீறல்கள் இந்த மாத தொடக்கத்தில் இலங்கை ஆட்டத்தைத் தொடர்ந்து, அர்ஷ்தீப் தொடர்ச்சியான நோ-பால்களை வீசி வருகிறார்.

இதனால், சமூகவலைத்தளங்களில் அர்ஷ்தீப் கடுமையாக விமர்சனம் செய்யப்பட்டு வருகிறார். இவருடைய நோ பாலால் இந்திய அணி தோல்விக்கு முக்கிய காரணமாக பார்க்கப்படுகிறது.

நிதானமாக விளையாட வேண்டும்

இந்நிலையில், அர்ஷ்தீப் சிங் நோ பால் வீசுவது குறித்து இந்திய முன்னாள் பேட்ஸ்மேன் முகமது கைப் கருத்து தெரிவித்துள்ளார்.

இது குறித்து அவர் பேசுகையில்,

அர்ஷ்தீப் தனது நோ-பால் பிழைகளை சரிசெய்ய தனது ரன்-அப்பைக் குறைக்க பரிசீலனை செய்ய வேண்டும். அர்ஷ்தீப்புக்கு நீண்ட ரன்-அப் இருக்கிறது. சக்திகளை வீணடித்து வருகிறார். அவர் வீசும் நோ-பால்களுக்கு முக்கிய காரணம் அவரது நீண்ட ரன்-அப் தான். எனவே, அவர் அடிப்படை விஷயங்களில் வேலை செய்ய வேண்டும் மற்றும் சற்று நிதானமாக இருக்க வேண்டும். அவர் ஒரு நல்ல பந்து வீச்சாளர் என்றார்.