சர்வதேச தாய்மொழி தினம்; தமிழே நீ வாழ்ந்திடு - முதல்வர் மு.க.ஸ்டாலின் வாழ்த்து

M K Stalin Edappadi K. Palaniswami Tamil language
By Karthikraja Feb 21, 2026 06:04 AM GMT
Report

சர்வதேச தாய்மொழி தினத்திற்கு அரசியல் கட்சி தலைவர்கள் வாழ்த்து தெரிவித்துள்ளனர்.

சர்வதேச தாய்மொழி தினம்

கடந்த 1999 ஆம் ஆண்டில் பிப்ரவரி 21 ஆம் தேதியை சர்வதேச தாய்மொழி தினமாக யுனெஸ்கோ அறிவித்தது. 

சர்வதேச தாய்மொழி தினம்; தமிழே நீ வாழ்ந்திடு - முதல்வர் மு.க.ஸ்டாலின் வாழ்த்து | Mk Stalin Wishs International Mother Language Day

2000 ஆம் ஆண்டு முதல் ஒவ்வொரு ஆண்டும் பிப்ரவரி 21 ஆம் தேதி சர்வதேச தாய்மொழி தினமாக கொண்டாடப்பட்டு வருகிறது.

இந்நிலையில், சர்வதேச தாய்மொழி தினத்திற்கு தமிழக முதல்வர் மு.க.ஸ்டாலின் உள்ளிட்ட அரசியல் கட்சி தலைவர்கள் வாழ்த்து தெரிவித்துள்ளனர். 

தென் தமிழக மக்கள் யார் பக்கம்? IBC தமிழ் கருத்துக்கணிப்பு

தென் தமிழக மக்கள் யார் பக்கம்? IBC தமிழ் கருத்துக்கணிப்பு

மு.க.ஸ்டாலின்

இது தொடர்பாக முதல்வர் மு.க.ஸ்டாலின் வெளியிட்டுள்ள பதிவில், "தமிழே நீ வாழ்ந்திடு!இன்று உலகத் தாய்மொழிகள் நாள்! ஏராளமானோர் உயிர்கொடுத்துக் காத்த நம் உயிர்நிகர் தமிழ்மொழியை எத்தனை சிறப்புகள் சொல்லி அழைத்தாலும் “தமிழே” என்று அழைத்திடும்போது கிடைத்திடும் இன்பம் மகத்தானது.

தலைவர் கலைஞரின் இந்த வரிகளைப் பாடலாக்கிய அனைவரும் பாராட்டுக்குரியவர்கள். அவர்களுக்கு என் நன்றி! 

நம் தமிழைக் காத்து - அதை அடுத்தடுத்த தலைமுறைகளுக்கும் கொண்டு சேர்த்து, செழிப்போடு வாழவைக்க வேண்டியது உலகெங்கும் வாழும் அனைத்துத் தமிழர்களின் பொறுப்பு!" என தெரிவித்துள்ளார்.

எடப்பாடி பழனிசாமி

அதிமுக பொதுச்செயலாளரும் எதிர்க்கட்சி தலைவருமான எடப்பாடி பழனிசாமி வெளியிட்டுள்ள வாழ்த்து செய்தியில், "நம் உயிருக்கு நேராம், சமூகத்தின் விளைவுக்கு நீராம், உரிமைச் செம்பயிருக்கு வேராம், உயர்வுக்கு வானாம்,பிறவிக்குத் தாயாம், நம் தாய்மொழியாம் தமிழ் மொழியை இந்த தாய்மொழி தினத்தில் போற்றி வணங்குகிறேன்... 

தமிழுக்கும் தமிழருக்கும் அதிமுக என்றென்றும் அரணாக விளங்கும் என்று உறுதியளிக்கிறேன்" என தெரிவித்துள்ளார்.