இலங்கை மக்களுக்கு தமிழக அரசு துணை நிற்கும் - முதல்வர் மு.க.ஸ்டாலின்
டிட்வா புயலால் பாதிக்கப்பட்டுள்ள இலங்கை மக்களுக்கு தமிழக அரசு துணை நிற்கும் என முதல்வர் ஸ்டாலின் தெரிவித்துள்ளார்.
இலங்கையை தாக்கிய டிட்வா புயல்
வங்க கடலில் உருவான டிட்வா புயல் காரணமாக பெய்த கனமழையால் இலங்கை கடுமையான சேதத்தை சந்தித்துள்ளது.
வெள்ளம் மற்றும் நிலச்சரிவு காரணமாக இதுவரை 193 பேர் உயிரிழந்துள்ளதாகவும், 228 பேர் காணாமல் போயுள்ளதாகவும் பேரிடர் மேலாண்மை மையம் (DMC) உறுதிப்படுத்தியுள்ளது.
நாடு முழுவதும் நிறுவப்பட்ட 1,094 பாதுகாப்பான தங்குமிடங்களில் 41,005 குடும்பங்களைச் சேர்ந்த 147,931 நபர்கள் தற்போது தங்க வைக்கப்பட்டுள்ளனர்.
இலங்கை அரசு அவசர நிலையை பிறப்பித்து, ராணுவத்தை களமிறங்கி மீட்புப்பணியை முடுக்கி விட்டுள்ளது.
Operation Sagar Bandhu திட்டத்தின் கீழ் இந்தியா 27 டன் நிவாரணப் பொருட்கள் மற்றும் உபகரணங்களை கொழும்புக்கு விமானம் மூலம் அனுப்பி வைத்துள்ளது. மேலும், மீட்பு பணிக்கு உதவ 80க்கும் மேற்பட்ட தேசிய பேரிடர் மீட்புப் படை வீரர்கள் அனுப்பி வைக்கப்பட்டுள்ளனர்.
துணை நிற்கும் தமிழ்நாடு அரசு
இந்நிலையில் புயலால் பாதிக்கப்பட்டுள்ள இலங்கை தமிழக அரசும் உதவ தயாராக உள்ளதாக தமிழ்நாடு முதல்வர் மு.க.ஸ்டாலின் தெரிவித்துள்ளார்.
இது தொடர்பாக அவர் வெளியிட்டுள்ள பதிவில், "டிட்வா புயலால் பாதிக்கப்பட்டுள்ள இலங்கை மக்களுக்குத் துணை நிற்கத் தமிழ்நாடு அரசு தயாராக உள்ளது! இந்த இயற்கைச் சீற்றத்தால் உயிரிழந்த மக்களுக்கு ஆழ்ந்த இரங்கலைத் தெரிவித்துக் கொள்கிறோம்!
Tamil Nadu stands ready to support the people of Sri Lanka affected by #CycloneDitwah.
— M.K.Stalin - தமிழ்நாட்டை தலைகுனிய விடமாட்டேன் (@mkstalin) November 30, 2025
We extend our deepest condolences to those who lost their lives in this natural calamity.
A team of officials is being constituted to deliver food and medical supplies through the Union…
துயருறும் அந்த மக்களுக்கு உணவுப் பொருட்கள் - மருந்துப் பொருட்கள் என ஒன்றிய அரசு மூலம் உதவிக்கரம் நீட்டிட அதிகாரிகள் குழுவை அமைக்கிறோம். அவர்கள் மீண்டெழுந்திடத் துணை நிற்போம்!" என தெரிவித்துள்ளார்.
