தென்மாவட்ட மழை..!! கழகத் தோழர்கள் - களத்தில் ஈடுபடுக..! முக ஸ்டாலின் அறிவுறுத்தல்
கன்னியாகுமரி , திருநெல்வேலி, தூத்துக்குடி, தென்காசி ஆகிய மாவட்டங்கள் கனமழையின் காரணமாக கடும் சிரமங்களை சந்தித்துள்ளது.
கனமழை
ஒரு ஆண்டில் பெய்ய வேண்டிய மழை ஒரே நாளில் பெய்துள்ளதால் தென்தமிழகத்தின் 4 மாவட்டங்கள் தென்காசி, திருநெல்வேலி, தூத்துக்குடி, கன்னியாகுமரி ஆகியவை கடும் பாதிப்புகளை சந்தித்துள்ளது.
அரசு மீட்புப்பணிகளை மேற்கொண்டு வரும் நிலையில், இன்று செய்தியாளர்களை சந்தித்த அரசின் தலைமை செயலாளர் ஷிவதாஸ் மீனா, மீட்புப்பணிகளை மேற்கொள்ள முப்படைகளின் உதவிகளை அரசு கோரியுள்ளதாக தெரிவித்தார்.
முக ஸ்டாலின் அறிவுறுத்தல்
இந்நிலையில், இது குறித்து கட்சி தொண்டர்களுக்கு தமிழக முதல்வரும் - திமுக தலைவருமான முக ஸ்டாலின் பதிவு ஒன்றை வெளியிட்டுள்ளார். அதில்,அதி கனமழையால் பாதிக்கப்பட்டுள்ள தென் மாவட்டங்களின் நிலை குறித்து நேற்று முதல் அமைச்சர்களுடனும் அரசு உயர் அதிகாரிகளுடன் தொடர்ந்து பேசியும் - மீட்பு மற்றும் நிவாரணப் பணிகளைக் கண்காணித்துக் கொண்டும் இருக்கிறேன்.
மழையால் பாதிக்கப்பட்டுள்ள மாவட்டங்களைச் சேர்ந்த கழகத் தோழர்கள், உடனடியாகக் களத்தில் பொதுமக்களுக்கு உதவிட வேண்டும் என்றும் - நிவாரணப் பணிகளில் ஈடுபட்டுள்ள அதிகாரிகளுக்குத் துணை நிற்க வேண்டும் எனவும் அறிவுறுத்தியுள்ளேன்.
அதி கனமழையால் பாதிக்கப்பட்டுள்ள தென் மாவட்டங்களின் நிலை குறித்து நேற்று முதல் அமைச்சர்களுடனும் அரசு உயர் அதிகாரிகளுடன் தொடர்ந்து பேசியும் - மீட்பு மற்றும் நிவாரணப் பணிகளைக் கண்காணித்துக் கொண்டும் இருக்கிறேன்.
— M.K.Stalin (@mkstalin) December 18, 2023
மழையால் பாதிக்கப்பட்டுள்ள மாவட்டங்களைச் சேர்ந்த கழகத் தோழர்கள்,… pic.twitter.com/FIvNhf52ce
