சிறுபான்மையினரின் பாதுகாப்பு அரணாக நம் கழக அரசு என்றும் துணை நிற்கும் - அமைச்சர் உதயநிதி ஸ்டாலின்!

சிறுபான்மையினரின் பாதுகாப்பு அரணாக நம் கழக அரசு என்றும் துணை நிற்கும் என்று அமைச்சர் உதயநிதி ஸ்டாலின் தெரிவித்துள்ளார்.

உதயநிதி ஸ்டாலின் 

இது தொடர்பாக அவர் வெளியிட்டுள்ள எக்ஸ் பதிவில் "மாண்புமிகு முதலமைச்சர் மு.க.ஸ்டாலின் அவர்கள் தலைமையில், சென்னை தலைமைச் செயலகத்தில் நடைபெற்ற சிறுபான்மையினர் நலன் குறித்த ஆய்வுக் கூட்டத்தில் மாண்புமிகு அமைச்சர் பெருமக்களுடன் இன்று பங்கேற்றோம்.

இக்கூட்டத்தில், சிறுபான்மையினரின் நலனுக்காக கழக அரசு கொண்டு வந்த திட்டங்களின் தற்போதைய நிலை குறித்து நம் முதலமைச்சர் அவர்கள் எடுத்துரைத்தார்கள்.

துணை நிற்கும்

மேலும், சிறுபான்மையினர் நலன் சார்ந்து அரசு சார்பில் அடுத்தடுத்து மேற்கொள்ளவுள்ளப் பணிகள் - சிறுபான்மை கல்வி நிறுவனங்களின் நிர்வாகம் போன்ற பல்வேறு அம்சங்கள் குறித்து ஆலோசனைகளை வழங்கினார்கள்.

சிறுபான்மையினரின் பாதுகாப்பு அரணாக நம் கழக அரசு என்றும் துணை நிற்கும்" என்று பதிவிட்டுள்ளார்.