மருத்துவ மாணவி பாலியல் வன்கொடுமை - தொடரும் அட்டூழியம்!

மருத்துவக் கல்லூரி மாணவி பாலியல் வன்கொடுமை செய்யப்பட்ட சம்பவம் அதிர்ச்சியை ஏற்படுத்தியுள்ளது.

 பாலியல் வன்கொடுமை

மேற்கு வங்க மாநிலத்தின் துர்காபூர் பகுதியில் அமைந்துள்ள ஒரு தனியார் மருத்துவக் கல்லூரியில் 2-ம் ஆண்டு எம்.பி.பி.எஸ் படித்து வருகிற ஒடிசாவைச் சேர்ந்த மாணவி ஒருவர், அண்மையில் அதிர்ச்சிகரமான பாலியல் வன்முறைக்கு உள்ளாகியுள்ளார்.

மாணவி தனது ஆண் நண்பருடன் வெளியே சென்று பின், இரவு கல்லூரிக்கு திரும்பிய போது, மாணவியை ஒரு கும்பல் மிரட்டி, அருகிலேயே உள்ள நிர்ப்பந்தமற்ற இடத்தில் பாலியல் வன்முறை செய்ததாக தெரிவிக்கப்பட்டுள்ளது. சம்பவத்தின் போது மாணவியுடன் இருந்த ஆண் நண்பர் அங்கிருந்து தப்பி ஓடியதாக கூறப்படுகிறது.

இச்சம்பவம் தொடர்பாக மாணவியின் தந்தை போலீசில் புகார் அளித்துள்ளார். அதில், தனது மகளின் நண்பர் பொய்யாக வழிநடத்தி, மக்கள் நடமாட்டம் இல்லாத இடத்திற்கு அழைத்துச் சென்றதாகவும், பின்னர் வன்முறை நிகழ்ந்ததும், கும்பல் மாணவியின் செல்போனை மற்றும் ரூ.5,000 பணத்தையும் பறித்துச் சென்றதாகவும் தெரிவித்துள்ளார்.

விவாகரத்து செய்த மகன் - பாலாபிஷேகம் செய்து கொண்டாடிய தாய்!

தொடரும் அட்டூழியம்

பாதிக்கப்பட்ட மாணவி தற்போது மருத்துவமனையில் ஆபத்தான நிலையில் சிகிச்சை பெற்று வருகிறார். சம்பவம் தொடர்பாக, மாணவியின் நண்பர் உட்பட பலர் மீது விசாரணை நடைபெற்று வருகிறது. மாணவியின் வாக்குமூலம் பதிவு செய்யப்பட்டுள்ளது. இந்த சம்பவத்துக்கு கண்டனம் தெரிவித்து, பாஜகவினர் ஆர்ப்பாட்டம் நடத்தினர்.

இதற்கு முன், கடந்த ஜூலை மாதம் சட்டக் கல்லூரி மாணவியொருவர் கல்லூரி வளாகத்திலேயே பாலியல் வன்முறைக்கு உள்ளாகியிருந்தார். மேலும், கடந்த ஆண்டு ஆகஸ்ட் மாதம், கொல்கத்தாவில் உள்ள ஆர்.ஜி. கர் மருத்துவக் கல்லூரி மருத்துவமனையில் பயிற்சி பெற்று வந்த பெண் மருத்துவர்

ஒருவர் பாலியல் வன்முறை செய்யப்பட்டு கொலை செய்யப்பட்ட சம்பவமும் நடந்திருந்தது. இந்த தொடர் சம்பவங்கள், மாநிலத்தில் பெண்களின் பாதுகாப்பு குறித்து பெரும் கேள்விகளை எழுப்பி வருகின்றன. திரிணாமூல் காங்கிரஸ் அரசின் அலட்சியமான நிலைபாடு குறித்து கடுமையான குற்றச்சாட்டுகள் எழுந்துள்ளன.