ரஜினி உண்மையில் ஒரு சுண்டைக்காய்....பயங்கரமாக கலாய்த்த மன்சூர் அலி கான்

ரஜினிகாந்த் உண்மையில் நல்ல மனிதர் என்றும் ஆனால் அவரை தற்போது சிலர் பயனப்டுத்தி வருகின்றனர் என மன்சூர் அலி கான் அதிரடியாக கருத்து தெரிவித்துள்ளார்.

ரஜினி யோகி ஆதித்யநாத் சர்ச்சை 

சில நாட்கள் முன்பு ரஜினி உத்திரபிரதேச மாநில முதல்வர் யோகி ஆதித்யநாத்தை நேரில் சந்தித்த போது, அவரின் காலில் விழுந்து வணங்கினார். இது தொடர்பான புகைப்படங்கள் வெளியானதை தொடர்ந்து மிக பெரிய சர்ச்சையை ஏற்படுத்தியது. தமிழகத்தில் ரஜினியின் இந்த செயலுக்கு கடும் கண்டனங்கள் எழுந்தன.

ஆனால், இது குறித்து செய்தியாளர்களை சந்தித்த ரஜினி, தான் நட்பின் ரீதியாகவே அவரை சந்தித்தாகவும், தனக்கு சந்நியாசிகளை நேரில் சந்திக்கும் போது அவர்களின் காலில் விழுந்து வணங்குவது தன்னுடைய வழக்கம் என்று கருத்து தெரிவித்து சென்றார்.

வைரலாகும் மன்சூர் அலி கானின் வீடியோ 

இந்நிலையில், தற்போது ரஜினிகாந்த் குறித்து நடிகர் மன்சூர் அலி கான் பேசியது தொடர்பான பழைய வீடியோ ஒன்று வைரலாகி வருகின்றது. தூத்துக்குடி ஸ்டெர்லைட் கலவரத்தின் போது வெளியான இந்த வீடியோவில், மன்சூர் அலி கானிடம் நெறியாளர் ரஜினியின் புகைப்படத்தை காண்பித்து அவர் குறித்து கேள்வி எழுப்பினார்.

அதற்கு பதிலளித்த மன்சூர் அலி கான், ரஜினி உண்மையிலேயே மிகவும் நல்ல மனிதர் என்றும் அவரை தனக்கு நடிகராக மிகவும் பிடிக்கும் என குறிப்பிட்டார். ஆனால், சமீபகாலமாக அவரை பின்னால் இருந்து சிலர் இயக்குகிறார்கள் என சுட்டிக்காட்டிய மன்சூர் அலி கான், எல்லா சொத்தையும் கர்நாடகாவில் சேர்த்து இருக்கிறார் என குற்றம்சாட்டினார். 

ரஜினியை சிலர் பயன்படுத்திக்கொண்டிருக்கிறார்கள் என தடாலடியாக கருத்து தெரிவித்த அவர், ரஜினி எப்போதும் பணக்காரர்கள் பக்கம்தான் இருப்பார் என்றும் அரசியலில் அவர் ஒரு சுண்டைக்காய்” என்று பேசியிருந்தார்.