காரின் பின்னாடியே ஓடி வந்த ரசிகை - பிரபல நடிகை என்ன செய்தார் தெரியுமா?
Sumathi
in பிரபலங்கள்
தனது காரின் பின் ஓடி வந்த ரசிகைக்கு மஞ்சு வாரியர் வாக்குறுதி அளித்த சம்பவம் வைரலாகி வருகிறது.
மஞ்சு வாரியர்
மலையாள சினிமாவில் முன்னணி நடிகையாக வலம் வருபவர் நடிகை மஞ்சு வாரியர். 3 ஆண்டுகளில் 20 படங்களில் நடித்தார். தனுஷ் நடித்த அசுரன் படத்தின் மூலம் தமிழுக்கு அறிமுகமான இவர், அஜித்துடன் துணிவு படத்திலும் நடித்துள்ளார். இந்நிலையில் இவர் எரூர் என்கிற ஊரில் சமீபத்தில் ஒரு கடை திறப்பு விழா நிகழ்ச்சியில் கலந்து கொண்டார்.
அங்கு ஏராளமான ரசிகர்கள் திரண்டனர். அவர்களுடன் பிரம்மாண்ட செல்ஃபி ஒன்றை எடுத்துக்கொண்டார். அதன்பின் காரில் அங்கிருந்து கிளம்பினார். அப்போது அவரின் காரை பின்தொடர்ந்து ஒரு இளம் பெண் ஓடி வருவதை பார்த்து அவருக்கு ஹாய் சொன்னார்.
ரசிகைக்கு வாக்குறுதி
தொடர்ந்து அந்தப் பெண் காரை துரத்தியபடி ஓடிவந்தார். நெரிசலில் மஞ்சு வாரியரிடம், இரண்டு நிமிடம் ஒதுக்க முடியுமா என்று கேட்டுள்ளார். காரை அங்கே சில நொடிகளுக்கு மேல் நிறுத்த வழியில்லாததால் அந்த பெண்ணிடம் விபரம் கேட்க,
தனது தாய் அவரின் தீவிர ரசிகை என்றும் இன்று அவர் பிறந்த நாள் என்பதால் தொலைபேசியில் அவருக்கு பிறந்தநாள் வாழ்த்து சொன்னால் மிகவும் மகிழ்ச்சி அடைவார் எனத் தெரிவித்துள்ளார்.
உடனே, தனது உதவியாளரிடம் அந்த பெண்ணின் மொபைல் நம்பரை கொடுக்குமாறும் தான் வீட்டிற்கு சென்ற பின்னர் அவரை போனில் அழைத்து அவரது தாய்க்கு வாழ்த்துக்கள் கூறுவதாகவும் உறுதியளித்துவிட்டு கிளம்பினார்.
