அடடே... ஒரே பிரசவத்தில் ஒன்பது குழந்தைகளை பெற்றெடுத்த பெண்!

ஒரே பிரசவத்தில் ஒன்பது குழந்தைகளை பெற்றெடுத்த ஆப்பிரிக்க பெண் கின்னஸ் புத்தகத்தில் இடம் பெற்றுள்ளார்.

ஒரே பிரசவம்      

மேற்கு ஆப்பிரிக்க நாடான மாலியை சேர்ந்த ஹலிமா சிஸ்ஸே - அப்தெல் காதர் அபி(26), தம்பதிக்கு, மொராக்கோ மருத்துவமனையில் கடந்த ஆண்டு ஒரே பிரசவத்தில் 5 பெண் குழந்தைகளும், 4 ஆண் குழந்தைகளும் பிறந்துள்ளன. குழந்தைகள் பிறந்து 20 மாதங்கள் நிறைவடைய உள்ள நிலையில்,

கடந்த சில வாரங்களுக்கு முன்புவரை சிறப்பு மருத்துவ குழுவினரால் தாயும், குழந்தைகளும் மருத்துவமனையிலேயே தொடர்ந்து கண்காணிக்கப்பட்டு வந்தனர். தற்போது அவர்கள் மருத்துவமனையின் ஒப்புதலுடன் மாலிக்கு திரும்பி உள்ளனர். இதுகுறித்து அம்மருத்துவமனையை சேர்ந்த மருத்துவர்கள்

9 குழந்தைகள்

, ஒரே பிரசவத்தில் ஒன்பது குழந்தைகள் பிறப்பதென்பது மிகவும் அரிதான நிகழ்வு, மேலும் அவ்வாறு பிறக்கும் குழந்தைகள் சில மணி நேரங்களில் இறந்து விடவும் வாய்ப்பு உண்டு, தாய்-சேய் உயிருக்கும் ஆபத்து அதிகம் என்று கூறினர்.

ஏற்கெனவே நடாலி சுலேமான் என்ற பெண், ஒரே பிரசவத்தில் 8 குழந்தைகள் பெற்று உலக சாதனை படைத்திருந்த நிலையில் தற்போது ஹலிமா சிஸ்ஸே 9 குழந்தைகள் பெற்று அதனை முறியடித்துள்ளார்.

இந்தியாவில் “நாம் இருவர் நமக்கிருவர்” என்னும் நிலை மாறி தற்போது “நாம் இருவர் நமக்கொருவர்” என்ற நிலை இருக்கையில் ஆப்பிரிக்காவில் நிகழ்ந்த இந்நிகழ்வு அனைவரையும் ஆச்சரியப்படுத்தி உள்ளது.