வைரமுத்து பாடல்களில் டாக்டர் பட்டம் பெற்ற ஆட்டோ ஓட்டுநர் - வீட்டிற்கு அழைத்து பாராட்டிய வைரமுத்து!
டாக்டர் பட்டம் பெற்ற ஆட்டோ ஓட்டுநரை வீட்டிற்கு அழைத்து பாராட்டியுள்ளார் கவிஞர் வைரமுத்து.
டாக்டர் பட்டம்
விழுப்புரம் மாவட்டத்தை சேர்ந்த லார்துராஜ் என்பவர் ஆட்டோ ஓட்டுநராகா பணிபுரிந்து வருகிறார். அவர் ‘கவிப்பேரரசு வைரமுத்து திரைப்பாடல்களில் புதுக்கவிதைக் கூறுகள்’ என்ற தலைப்பில் ஆய்வு செய்து, சென்னைப் பல்கலைக்கழகத்தில் டாக்டர் பட்டம் பெற்றுள்ளார்.
இந்நிலையில் ஆட்டோ ஓட்டுநர் லார்துராஜை தனது வீட்டிற்கே அழைத்து பாராட்டியுள்ளார் கவிஞர் வைரமுத்து. இது தொடர்பாக வைரமுத்து தனது ட்விட்டர் பக்கத்தில் வீடியோவுடன் வாழ்த்து ஒன்றை பதிவிட்டுள்ளார்.
அதில் "வியந்து போனேன்; வீட்டுக்கழைத்துப் பாராட்டினேன், ஆட்டோ ஓட்டுநர் கூட்டத்தில் ஓர் அதிசயம், வாழ்த்துகிறேன்! என்று பதிவிட்டுள்ளார்.
பாராட்டிய வைரமுத்து
அந்த வீடியோவில் ஆட்டோ ஓட்டுநர் லார்துராஜூக்கு சால்வை அணிந்து மகிழ்ந்தார் வைரமுத்து. பின்னர் அவரிடம் 'இரக்கமுள்ள மனசுக்காரன்டா... நான் டாக்டர் பட்டம் வாங்க போரண்டா...' எனப் பாடி அந்த ஆட்டோ ஓட்டுநரை நெகிழ்ச்சியில் ஆழ்த்தினார்.
மேலும் உயர்கல்வி அல்லது கல்லூரியில் அவருக்கு இடம் வாங்கி கொடுக்க அருகில் இருந்தவரிடம் அறிவுறுத்தினார் கவிஞர் வைரமுத்து.
லூர்துராஜ்
— வைரமுத்து (@Vairamuthu) September 14, 2023
ஓர் ஆட்டோ ஓட்டுநர்
‘கவிப்பேரரசு வைரமுத்து
திரைப்பாடல்களில்
புதுக்கவிதைக் கூறுகள்’
என்ற தலைப்பில் ஆய்வுசெய்து
சென்னைப் பல்கலைக்கழகத்தில்
டாக்டர் பட்டம் பெற்றிருக்கிறார்
வியந்து போனேன்;
வீட்டுக்கழைத்துப்
பாராட்டினேன்
ஆட்டோ ஓட்டுநர்
கூட்டத்தில் ஓர் அதிசயம்… pic.twitter.com/eT8S6fh1GC
