சர்வதேச கால்பந்து போட்டிகளில் மீண்டும் சாதனைப் படைத்த மெஸ்ஸி

 சர்வதேச கால்பந்து போட்டிகளில் அதிக கோல்கள் அடித்த தென் அமெரிக்க வீரர் என்ற சாதனையை படைத்து லயோனல் மெஸ்ஸி அசத்தியுள்ளார்.

பியூனஸ் அயர்ஸ் நகரில் நேற்று முன்தினம் உலகக்கோப்பை கால்பந்து தகுதிச்சுற்று போட்டியில் அர்ஜென்டினா - பொலிவியா அணிகள் மோதிய ஆட்டம் நடைபெற்றது.

இப்போட்டியில் அர்ஜென்டினா 3-0 என்ற கோல்கள் கணக்கில் பொலிவியா அணியைத் தோற்கடித்தது. இப்போட்டியில் அர்ஜென்டினா பெற்ற 3 கோல்களும் அந்த அணி வீரர் லயோனல் மெஸ்ஸி அடித்ததாகும்.

இதனையும் சேர்த்து சர்வதேசப் போட்டிகளில் அர்ஜென்டினாவுக்காக மெஸ்ஸி அடித்திருக்கும் கோல்களின் எண்ணிக்கை 79 ஆக அதிகரித்துள்ளது.